విష జ్వరాలతో వణికిపోతున్న దళితవాడ
Andhra Pradesh Telugu | Suryaa Desk | Published : Mon, Jul 22, 2024, 10:19 PM
జియ్యమ్మవలస మండలంలోని చినమేరంగి దళితవాడలో జ్వరాలు విజృంభించాయి. రోజురోజుకూ జ్వర పీడితుల సంఖ్య పెరుగుతుంది. ప్రస్తుతం చినమేరంగి సామాజిక ఆరోగ్య కేంద్రంలో 25 మంది వరకు చికిత్స పొందుతున్నారు. కొంతమందిని విశాఖ, విజయనగరం, పార్వతీపురం ఆసుపత్రులకు రెఫర్ చేశారు. మరికొందరు ప్రైవేటు ఆసుపత్రుల్లో చికిత్స పొందుతున్నారు. ఎక్కువ మంది డెంగ్యూ జ్వర పీడితులుగా వైద్యులు అనుమానిస్తున్నారు. చినమేరంగి సీహెచ్సీలో మీసాల చంటి, వెలగాడ కీర్తి, జలుమూరు చిట్టిరాజు, వెలగాడ భారతి, మీసాల రాంబాబు, బి.కావ్య, బి.శారద, ఎస్.సూర్య, బి.శాంతమ్మ, ఎస్.స్పన్ని, బి.రత్నం, బి.సుందరమ్మ, బి.సావిత్రమ్మ, బి.రాజేశ్వరరావు, ఎస్.నీలమ్మ, ఎం.సంపత్, ఎస్.స్వర్ణలత, బి.ప్రవీణ్, ఎం.వెంకటమ్మ, బి.పవన్, తదితరులు చికిత్స పొందుతున్నారు. ఎస్.వీరయ్య, బి.హరీష్ను పార్వతీపురం కేంద్రాసుపత్రికి వైద్యులు రెఫర్ చేశారు. మీసాల బుల్లిబాబు, బొమ్మాళి అనిల్ విశాఖలోని ఒక ప్రైవేటు ఆసుపత్రిలో, సిరిపురం రవి విజయనగరంలోని ఒక ప్రైవేటు ఆసుపత్రిలో చికిత్స పొందుతున్నారు. జ్వరాలు ప్రబలడానికి దళితవాడ పక్కనే ఉన్న దాలమ్మ కోనేరు కారణమని స్థానికులు ఆందోళన వ్యక్తం చేస్తున్నారు. ఈ కోనేరులోని నీరు ఏళ్ల తరబడి నిల్వ ఉండడంతో మురికి కూపంగా మారిందని, దీంతో దోమలకు ఆవాసంగా మారిందని చెబుతున్నారు. అంతేకాకుండా దుర్గంధంతో అల్లాడిపో తున్నామని వాపోతున్నారు. ఈ కోనేరుని పూర్తిగా పూడ్చేయాలని డిమాండ్ చేస్తున్నారు.
|
|