ట్రెండింగ్
రేపు తిరుపతి జిల్లాలో పాలిటెక్నిక్‌ అడ్మిషన్లు
Andhra Pradesh Telugu | Suryaa Desk | Published : Tue, Jul 30, 2024, 03:47 PM
తిరుపతి జిల్లాలోని ప్రభుత్వ, ప్రైవేట్‌ పాలిటెక్నిక్‌లలో మిగిలిన డిప్లొమా సీట్ల భర్తీకి ఈనెల 31వ తేదీన ఉదయం 10గంటలకు స్పాట్‌ అడ్మిషన్లు నిర్వహించనున్నారు. ఈ మేరకు తిరుపతిలోని ఎస్వీ పాలిటెక్నిక్‌ ప్రిన్సిపాల్‌ డాక్టర్‌ వై. ద్వారకనాథరెడ్డి తెలిపారు. పాలిసెట్‌లో అర్హత సాధించిన విద్యార్థులు, ప్రవేశపరీక్ష రాయనివారు కూడా దరఖాస్తు చేసుకోవచ్చన్నారు. తర్వాత ఒరిజనల్‌ సర్టిఫికెట్లతో కళాశాలకు హాజరుకావాలని సూచించారు. స్పాట్‌ అడ్మిషన్లు పొందిన వారికి ఫీజు రీయింబర్స్‌మెంట్‌ వర్తించదని, కౌన్సెలింగ్‌ ద్వారా సీటు పొందిన విద్యార్థులు ఈ అడ్మిషన్లకి అనర్హులని పేర్కొన్నారు.
|
|