ట్రెండింగ్
కన్నులపండువగా కల్యాణోత్సవం
Andhra Pradesh Telugu | Suryaa Desk | Published : Wed, Jul 31, 2024, 10:56 PM
పాకాల మండలం ఊట్లవారిపల్లె సమీపంలోని ఆనందగిరి (పాళ్యంకొండ)పై ఆడికృత్తిక బ్రహ్మోత్సవాల్లో భాగంగా వళ్లీ దేవసేన సమేత కళ్యాణ సుబ్రమణ్యస్వామికి మంగళవారం కల్యాణోత్సవాన్ని కన్నులపండువగా నిర్వహించారు. కళ్యాణోత్సవానికి పూజ సామగ్రి, పూలమాలలను ఎమ్మెల్యే పులివర్తి నాని సమర్పించారు. స్వామివారికి మాజీ ఎమ్మెల్యే చెవిరెడ్డి భాస్కర రెడ్డి పట్టువస్త్రాలు సమర్పించారు. ఆడికృత్తికను పురస్కరించుకొని స్వామివారి దర్శనానికి ఉదయం నుంచీ రాత్రి వరకు భక్తులు బారులు తీరారు. పుష్పకావిళ్లు, తలనీలాలు సమర్పించి స్వామివారి మొక్కులు తీర్చుకున్నారు.రాత్రి ప్రత్యేక పుష్పాలతో అలంకరించిన పల్లకిలో వళ్లీ దేవసేన సమేత సుబ్రమణ్యస్వామి మేళతాళాలు మంగళవాయిద్యాల నడుమ పురవీధుల్లో విహరించారు.
|
|