ట్రెండింగ్
దూరవిద్యా విధానాన్ని సద్వినియోగం చేసుకోవాలి
Andhra Pradesh Telugu | Suryaa Desk | Published : Tue, Aug 06, 2024, 09:10 PM
ఆంధ్రప్రదేశ సార్వత్రిక విద్యాపీఠం ఆధ్యర్యంలో 2024-25 సంవత్సరంలో పదో తరగతి, ఇంటర్మీడియట్‌ ప్రవేశాలకు దరఖాస్తు చేసుకోవాలని అన్నమయ్య జిల్లా, జాయింట్‌ కలెక్టరు అభిషేక్‌ కుమార్‌ పేర్కొన్నారు. సోమవారం కలెక్టరెట్లో అందుకు సంబంధించిన వాల్‌ పోస్టర్‌ను ఆవిష్కరించిన ఆయన మాట్లాడారు. దూరవిద్యా విధానం ద్వారా చదువుకోవాలే ఆసక్తి ఉన్న వారు ఈనెల 27లోపు దరఖాస్తు చేసుకోవాలన్నారు. పదో తరగతి ప్రవేశానికి 14 సంవత్సరాలు, ఇంటర్మీడియట్‌ ప్రవేశానికి పదిపాసై 15 సంవత్సరాలు నిండి ఉండాలని అన్నారు. పూర్తి వివరాలు వెబ్‌సైట్‌ ద్వారా పొందవచ్చన్నారు. కార్యక్రమంలో డీఆర్‌డీఏ పీడీ నరసయ్య, సాంఘిక సంక్షేమ జిల్లా అదికారి శివరంగప్రసాద్‌, ఓపనస్కూల్‌ స్టేట్‌ కో-ఆర్డినేటర్‌ రవీంద్రనాథ్‌, లాజరు, సహాయసంచాలకులు నాగరాజు పాల్గొన్నారు.
|
|