విశాఖలోని వస్త్ర దుకాణంలో చీకటి దందా,,,పోలీసుల తనిఖీల్లో సంచలన విషయాలు

విశాఖలో రద్దీ ప్రాంతంలో వస్త్ర దుకాణం ఉంది. నిత్యం రద్దీగా ఉండే ప్రాంతంలో.. ప్రతి రోజూ కస్టమర్లతో షాపు బిజీ, బిజీగా కనిపిస్తోంది. ఈ షాపుకు వచ్చే కస్టమర్ల తీరు అనుమానం కలిగింది.. దీంతో నిఘా పెట్టారు.. అక్కడ తీగ లాగితే పెద్ద డొంక కదిలింది. అది పైకి మాత్రమే వస్త్ర దుకాణం లోపల జరిగే యవ్వారం వేరని తేలింది. దర్యాప్తు చేస్తే సంచలన విషయాలు బయటపడ్డాయి.. ఘటన స్థానికంగా కలకలంరేపింది.

విశాఖపట్నం 90వ వార్డు పరిధిలోని భాజీ జంక్షన్ మెయిన్ రోడ్డు ప్రతి రోజూ రద్దీగా ఉంటుంది. వరుసగా దుకాణ సముదాయాలు ఉండటంతో.. షాపింగ్‌ కోసం జనాలు ఎక్కువగా వస్తుంటారు. అక్కడ ఓ వస్త్ర దుకాణం ఉంది.. నిత్యం కస్టమర్లు వాట్సాప్‌‌లోకి వెళ్లి వస్త్రాలు కొనుగోలు చేస్తుంటారు. రోజూ జనాలు ఎక్కువమంది వస్తుండటంతో.. అనుమానం వచ్చింది. ఇంతలో టాస్క్‌ఫోర్స్ పోలీసులకు సమాచారం కూడా వచ్చింది. వెంటనే వారంతా రంగంలోకి దిగారు. షాపులో తనిఖీలు చస్తే సంచలన విషయాలు తెలిశాయి.

ఆ షాపులో అనధికారికంగా మెడికల్ షాపుల్లో విక్రయించాల్సిన మందులను విక్రయిస్తున్నట్టు తేలింది. వెంటనే పోలీసులు డ్రగ్స్ కంట్రోల్ అధికారులకు సమాచారం ఇచ్చారు.. వారు కూడా రంగంలోకి దిగి తనిఖీలు చేశఆరు. అప్పుడు మైండ్ బ్లాక్ అయ్యింది.. ఆ షాపులో అబార్షన్ షీట్లలు, లైంగిక సామర్థ్యాన్ని పెంచే మందులు, స్లీపింగ్ పిల్స్ ఉన్నాయి. అలాగే భారీగా ఆల్ఫ్రజోలం, సిల్డేనాఫీల్ సిట్రేట్ టాబ్లెట్లను గుర్తించారు.. ఆ మందుల్ని సీజ్ చేశారు. ఆ షాపు యజమానిపై కేసు నమోదు చేశారు.. నిషేధిత మందులు అమ్మకాలపై నిఘా పెట్టామని.. ఎవరైనా నిబంధనకు ఉల్లంఘించినట్టయితే కఠిన చర్యలు తీసుకుంటామని పోలీసులు, అధికారులు హెచ్చరించారు. వస్త్ర దుకాణంలో ఇలా నిషేధిత మందుల విక్రయాలు కలకలంరేపింది. ఇలా వస్త్ర దుకాణంలో నిషేధిత మందులు విక్రయించడంపై పోలీసులు కూడా ఆరా తీస్తున్నారు.. షాపు యజమానిని ప్రశ్నిస్తే ఈ వ్యవహారంలో మరిన్ని విషయాలు బయటకు వస్తాయి అంటున్నారు. దీనికి సంబంధించిన పూర్తి వివరాలు తెలియాల్సి ఉంది.