జగన్‌కు దేవుడు ఇప్పటికైనా మంచి బుద్ధి ఇవ్వాలి
Andhra Pradesh Telugu | Suryaa Desk | Published : Tue, Sep 10, 2024, 07:51 PM
మాజీ ముఖ్యమంత్రి, వైసీపీ అధినేత జగన్మోహన్ రెడ్డి అక్రమ కేసులు పెట్టి చంద్రబాబు నాయుడును జైలులో పెట్టి ఏడాది పూర్తి అయిందని టీడీపీ విశాఖపట్నం జిల్లా అధ్యక్షులు గండి బాబ్జి అన్నారు. జగన్మోహన్ రెడ్డి చేసిన తప్పులకు రాష్ట్ర ప్రజలు తగిన బుద్ధి చెప్పారని వ్యాఖ్యలు చేశారు. మంగళవారం మీడియాతో మాట్లాడుతూ.. వరద ప్రాంతాలలో జగన్ పర్యటిస్తూ ప్రజలకు అసత్య ప్రచారాలు ఇస్తున్నారని మండిపడ్డారు. జగన్‌కు దేవుడు మంచి బుద్ధి ఇవ్వాలన్నారు. ఇవే వరదలు జగన్మోహన్ రెడ్డి సీఎంగా ఉన్నపుడు వస్తే ఏరియల్ సర్వే చేసి మ..మ అనిపించేవారన్నారు. జగన్మోహన్ రెడ్డి విజయవాడలో రెండు ప్రాంతంలో పర్యటించి ఒక కోటి రూపాయలు విరాళం ఇచ్చి చేతులు దులుపుకున్నారని వ్యాఖ్యలు చేశారు. ఉపముఖ్యమంత్రి పవన్ కళ్యాణ్‌ను చూసి జగన్ బుద్ధి తెచ్చుకోవాలని హితవుపలికారు. ఉత్తరాంద్రలో ఉన్న సమస్యలు పరిష్కరిస్తామన్నారు. సీఎం చంద్రబాబు నాయుడుకు ప్రజలు ఆశీస్సులు, సహకారాలు అందించాలని గండి బాబ్జీ కోరారు.
|
|