ఏపీలో రైలు ప్రయాణికులకు ముఖ్యమైన గమనిక.. ఈ 14 రైళ్లు రద్దు చేశారు

ఏపీలో రైలు ప్రయాణికులకు గమనిక.. 14 రైళ్లను రద్దు చేసినట్లు అధికారులు తెలిపారు. విజయవాడ రైల్వే డివిజన్‌ పరిధిలోని కడియం, రాజమహేంద్రవరం, గోదావరి, కొవ్వూరు సెక్షన్‌లలో నాన్‌ ఇంటర్‌లాకింగ్‌ పనులు.. ఆటోమెటిక్‌ బ్లాక్‌ సిగ్నలింగ్‌ సిస్టమ్‌ల ఏర్పాటు చేస్తున్నారు. ఈ పనులు ఉండటంతో.. ఈనెల 29, 30 అక్టోబరు 1 వరకు వివిధ ప్రాంతాల నుంచి సామర్లకోట మీదుగా నడిచే 14 రైళ్లను రద్దు చేశారు. ఈ మేరకు విజయవాడ రైల్వే డివిజన్‌ పీఆర్వో నస్రత్‌ ఎం.మండ్రూప్‌కర్‌ సామర్లకోట రైల్వే అధికారులు ఉత్తర్వులు పంపించారు.

ఈనెల 29న తిరుపతి విశాఖపట్నం రైలు (22708), గుంటూరు విశాఖపట్నం సింహాద్రి ఎక్స్‌ప్రెస్‌ (17239) రద్దు చేశారు. ఈ నెల 30న.. విశాఖపట్నం తిరుపతి ఎక్స్‌ప్రె స్‌ (22707), విజయవాడ నుంచి విశాఖపట్నం ఎక్స్‌ప్రెస్‌ (12718), విశాఖపట్నం నుంచి విజయవాడ ఎక్స్‌ప్రెస్‌ (12717), విశాఖపట్నం నుంచి గుంటూరు ఎక్స్‌ప్రెస్‌ (22701), గుంటూరు నుంచి విశాఖపట్నం ఎక్స్‌ప్రెస్‌ (22702), గుంటూరు నుంచి విశాఖపట్నం ఎక్స్‌ప్రెస్‌ (17239), విశాఖపట్నం నుంచి గుంటూరు ఎక్స్‌ప్రెస్‌ (17240), విజయవాడ నుంచి రాజమహేంద్రవరం రైలు (07768), రాజమహేంద్రవరం నుంచి విశాఖపట్నం రైలు (07466), విశాఖట్న నుంచి రాజమహేంద్రవరం రైలు (07467) మొత్తం 10 రైళ్లు రద్దు చేశారు. విశాఖపట్నం గుంటూరు మధ్య రాకపోకలు సాగించే (17240) రైలు అక్టోబరు 1న రద్దు చేశారు. వివరాలకు సమీప రైల్వేస్టేషన్‌లోని బుకింగ్‌ కార్యాలయంలో సంప్రదించాలని సూచించారు. ప్రయాణికులు ఈ రైళ్లు రద్దు చేస్తున్న విషయాన్ని గమనించి అందుకున్న తగిన విధంగా జర్నీ ప్లాన్ చేసుకోవాలని సూచించారు అధికారులు.

మరోవైపు దక్షిణ మధ్య రైల్వే పరిధిలో ఖమ్మం రైల్వేస్టేషన్‌ మీదుగా వెళ్లే పలు రైళ్లను ఈ నెల 23 నుంచి అక్టోబరు 8వ తేదీ వరకు రద్దు చేశారు. మరికొన్ని రైళ్లను దారి మళ్లించినట్లు అధికారులు తెలిపారు. వరంగల్, హసన్‌పర్తి రైల్వేస్టేషన్ల మధ్య నాలుగో రైల్వే లైన్‌ పనులతో ఈ నిర్ణయం తీసుకున్నారు. రైళ్ల రద్దు విషయాన్ని గమనించి రైల్వే ప్రయాణికులు రాకపోకలు సాగించాలని సూచించారు.