ప్రస్తుత రాజకీయాలపై స్పందించిన దగ్గుబాటి
Andhra Pradesh Telugu | Suryaa Desk | Published : Fri, Oct 04, 2024, 02:05 PM
మాజీమంత్రి, సీనియర్ నేత దగ్గుబాటి వెంకటేశ్వర రావు రాజకీయాల గురించి సంచలన వ్యాఖ్యలు చేశారు. ప్రస్తుత రాజకీయాలు కాస్ట్లీ అయ్యాయని గుర్తుచేశారు. ఎన్నికల్లో నిలబడే అభ్యర్థులు భారీగా ఖర్చు పెట్టాలని, గెలిచిన తర్వాత కూడా డబ్బులు ఖర్చు చేయాల్సి వస్తోందని తెలిపారు. గతంలో ఇలాంటి పరిస్థితులు లేవని వివరించారు. ప్రస్తుత రాజకీయాలు వేరు అని గుర్తుచేశారు. ఆయన ఈ రోజు బాపట్లలో మీడియాతో మాట్లాడారు. ఇలాంటి పరిస్థితుల్లో పోటీ చేయకుండా ఉండి అదృష్టవంతుడిని అయ్యానని దగ్గబాటి వెంకటేశ్వరరావు పేర్కొన్నారు. పోటీ చేయనందుకు తనకు ఏ మాత్రం బాధ లేదని వివరించారు.
రాజకీయాల నుంచి తృప్తిగా రిటైర్ అయ్యాననే భావన ఉందన్నారు. లేదంటే అసెంబ్లీ ఎన్నికల్లో పోటీ చేసేందుకు కనీసం రూ.20 కోట్లు కావాలని వెంకటేశ్వర రావు గుర్తుచేశారు. ఒకవేళ గెలిస్తే మరో రూ.30 కోట్లు ఖర్చు చేయాల్సి ఉంటుందని వివరించారు. ఎమ్మెల్యే అభ్యర్థిగా బరిలోకి దిగాలంటే రూ.50 కోట్లు చేతిలో ఉంచుకోవాల్సిందేనని స్పష్టం చేశారు. ఒకప్పుడు ఇలా ఉండేవి కాదని వెంకటేశ్వర రావు అభిప్రాయ పడ్డారు.
|
|