రోడ్డు ప్రమాదంలో గాయపడ్డ విద్యార్థి చికిత్సపొందుతూ మృతి
Andhra Pradesh Telugu | Suryaa Desk | Published : Fri, Oct 18, 2024, 05:14 PM
అమెరికాలో జరిగిన రోడ్డు ప్రమాదంలో తీవ్రంగా గాయపడిన సాయితేజారెడ్డి చికిత్సపొందుతూ మృతి చెందాడు. దీంతో కారులో ప్రయాణిస్తున్న నలుగురూ మృత్యువాత పడ్డారు. ఈ నలుగురిలో ముగ్గురు శ్రీకాళహస్తి వారే. పట్టణంలోని బంగారమ్మ కాలనీకి చెందిన సాయితేజారెడ్డి, హరితారెడ్డి దంపతులు, దక్షిణకైలా్‌సనగర్‌ కాలనీకిచెందిన రాజినేని శివతో పాటు ఓజిలి మండలం రాజుపేటకు చెందిన గోపి వారాంతపు విహార యాత్రకు వెళ్లొస్తుండగా ప్రమాదం జరిగిన విషయం తెలిసిందే.
ఈ నలుగురిలో ముగ్గురు అక్కడికక్కడే మృతచెందగా, తీవ్రంగా గాయపడిన సాయితేజారెడ్డికి తానా సభ్యులు చికిత్స అందించారు. భారతదేశ కాలమానప్రకారం బుధవారం అర్ధరాత్రి సాయితేజా రెడ్డి కూడా మృతి చెందాడు. దీంతో దంపతులు ఇద్దరు మరణించడంతో ఆకుటుంబంలో మరింత విషాదం అలుముకుంది. మొత్తం నాలుగు మృతదేహాలు ఆదివారం లేదా సోమవారం శ్రీకాళహస్తికి చేరుకుంటాయని బంధువులు భావిస్తున్నారు ఇక రాజినేని శివ మృతదేహాన్ని చూసేందుకు నిరీక్షించలేక వారి తల్లిదండ్రులైన రమే్‌షనాయుడు, శశికుమారి తల్లడిల్లిపోయారు. బుధవారం బెంగళూరు నుంచి బిడ్డ భౌతికకాయాన్ని చూసేందుకు అమెరికా వెళ్లారు.
|
|