ట్రెండింగ్
బైక్‌ను ఢీకొన్న బొలెరో, ఒకరు మృతి
Andhra Pradesh Telugu | Suryaa Desk | Published : Tue, Oct 29, 2024, 06:27 PM
ఉరవకొండ మండలంలోని బూదగవి సమీపంలోని పాల్తూరు క్రాస్‌ వద్ద సోమవారం రాత్రి జరిగిన రోడ్డు ప్రమాదంలో ఒకరు మృతి చెందగా.. ఇద్దరికి గాయాలయ్యాయి. నార్పలకు చెందిన నాగార్జున, బుక్కరాయసముద్రం మండలం రేగడి కొత్తూరుకు చెందిన ఈశ్వర్‌, ఓబేంద్రతో కలిసి బైక్‌లో బొమ్మనహాళ్‌ మండలం ఉంతకల్లుకు బయలు దేరాడు.
బూదగవి సమీపంలోకి రాగానే బళ్లారి వైపు నుంచి వస్తున్న బొలెరో వాహనం బైక్‌ను ఢీకొంది. ప్రమాదంలో నాగార్జున అక్కడిక్కడే మృతి చెందాడు. ఈశ్వర్‌, ఒబేంద్రకు తీవ్రగాయాలయ్యాయి. స్థానికులు గాయపడిన వారిని ఉరవకొండ ప్రభుత్వాసుపత్రికి తరలించారు. వారి పరిస్థితి విషమంగా ఉండడంతో మెరుగైన వైద్యం కోసం అనంతపురం తరలించాలని వైద్యులు సూచించారు. పోలీసులు సంఘటనా స్థలాన్ని పరిశీలించి కేసు నమోదు చేసుకున్నారు.
|
|