రూ.20 లక్షలు ఇవ్వకపోతే ఆడియోలు, వీడియోలు వైరల్ చేస్తా.. మాజీ మంత్రికి మహిళ బ్లాక్ మెయిల్

రాజకీయ నాయకుల రాసలీలల గురించి ఎన్నో వార్తలు వెలుగులోకి వచ్చాయి. రాజకీయ నాయకులతో మహిళలతో సన్నిహితంగా ఉంటున్న వీడియోలు వైరల్ అవుతున్న ఘటనలు కూడా బయటికి వస్తున్నాయి. ఈ నేపథ్యంలోనే ఓ మహిళా నాయకురాలు.. మాజీ మంత్రితో సంబంధం ఏర్పరుచుకుంది. ఈ నేపథ్యంలోనే వారిద్దరూ మాట్లాడుకున్న ఫోన్ కాల్స్, వీడియో కాల్స్ మొత్తం సేకరించింది. ఆ తర్వాతే అసలు పని ప్రారంభించింది. ఆ ఆడియో కాల్స్, వీడియోలను చూపించి బ్లాక్ మెయిలింగ్‌కు దిగింది. వాటిని వైరల్ చేయకుండా ఉండాలంటే తనకు రూ.20 లక్షలు ఇవ్వాలని డిమాండ్ చేసింది. చివరికి పోలీసులను ఆశ్రయించడంతో ఆమెను అరెస్ట్ చేశారు. ఈ ఘటన కర్ణాటకలో జరిగింది.

కర్ణాటకకు చెందిన కాంగ్రెస్ పార్టీ మహిళా నాయకురాలు మంజూలా.. ఆ రాష్ట్ర మాజీ మంత్రి మాలికయ్య గుత్తేదార్‌ను బ్లాక్ మెయిల్ చేయడం ప్రస్తుతం తీవ్ర వైరల్ అవుతోంది. మొదట ఆయనతో పరిచయం పెంచుకున్న మంజూలా.. ఆ తర్వాత సంబంధం ఏర్పరుచుకుంది. ఈ క్రమంలోనే వారి మధ్య వాట్సాప్ కాల్స్, ఆడియో కాల్స్ జరిగాయి. అయితే వాటినే తన ఆయుధాలుగా ఉపయోగించుకుని మాలికయ్య గుత్తేదార్‌‌ను బెదిరింపులకు గురి చేసింది. వాటిని ఆపేయాలంటే తనకు రూ. 20 లక్షలు కావాలని డిమాండ్ చేసింది.

ఈ క్రమంలోనే మంజుల.. ఆమె భర్త శివరాజ్.. ఇటీవలె బెంగళూరులో డబ్బుల కోసం మాలికయ్య గుత్తేదార్ కుమారుడు రితేష్‌ని సంప్రదించారు. ఈ సమయంలో రితేష్ పోలీసులకు ఫిర్యాదు చేశారు. ఈ నేపథ్యంలోనే కేసు నమోదు చేసుకున్న పోలీసులు.. శనివారం గరుడా మాల్‌లో మంజూల, శివరాజ్ దంపతులను అదుపులోకి తీసుకున్నారు. ఆ తర్వాత వారిద్దరిని కోర్టులో హాజరుపరిచి.. 8 రోజుల పోలీస్ కస్టడీకి తీసుకున్నారు. బ్లాక్‌మెయిల్, దోపిడీకి పాల్పడిన కేసులో సెంట్రల్ క్రైమ్ బ్రాంచ్ పోలీసులు కలబురిగిలో జిల్లా మంజులా పాటిల్, ఆమె భర్త శివరాజ్ పాటిల్‌లను అరెస్ట్ చేశారు.

నలపాడ్ బ్రిగేడ్ అధ్యక్షురాలిగా ఉన్న మంజూల.. మాలికయ్య గుత్తేదార్ తనకు అసభ్యకరమైన వీడియోలు పంపినట్లు ఆయన కుమారుడు రితేష్‌ని కలిసింది. ఈ విషయాలను మీడియాకు వెల్లడించకుండా ఉండాలంటే రూ. 20 లక్షలు ఇవ్వాలని డిమాండ్ చేసింది. ఈ క్రమంలోనే మంజుల వద్ద నుంచి పోలీసులు 6 స్మార్ట్‌ఫోన్లను స్వాధీనం చేసుకున్నారు. అందులో ఉన్న వీడియోలు చూసి పోలీసులు షాక్ అయ్యారు. జిల్లా పంచాయతీ మాజీ సభ్యుడు, పోలీస్ అధికారి, పీడబ్ల్యూడీ అధికారితో సహా కనీసం 8 మంది వ్యక్తులతో సన్నిహితంగా ఉన్న వీడియోలు ఉన్నాయి.