టెలికాం రంగంలో కొత్త రూల్స్‌!
national | Suryaa Desk | Published : Fri, Nov 01, 2024, 11:58 AM
దేశంలో సైబర్ మోసాల కేసులు వేగంగా పెరుగుతున్నాయి. ప్రజలను మోసం చేసేందుకు సైబర్ దుండగులు రోజుకో కొత్త మార్గాలను అవలంబిస్తున్నారు. ప్రభుత్వం కూడా ఈ మోసాలను అరికట్టేందుకు యాక్షన్ ప్లాన్స్‌ను అమలు చేస్తూ వాటిని వదిలించుకోవడానికి నిరంతరం ప్రయత్నిస్తోంది.టెలికాం రెగ్యులేటరీ అథారిటీ ఆఫ్ ఇండియా (TRAI) తమ సిమ్ కార్డ్ వినియోగదారుల డేటాను సురక్షితంగా ఉంచడానికి కఠినమైన చర్యలు తీసుకోవాలని టెలికాం ఆపరేటర్లను ఆదేశిస్తోంది. ఈ ప్రాసెస్‌ నవంబర్ 1 నుంచి ప్రారంభం కానుంది.ప్రభుత్వం తీసుకున్న ఈ నిర్ణయంతో రిలయన్స్ జియో, వొడాఫోన్ ఐడియా, ఎయిర్‌టెల్, బిఎస్‌ఎన్‌ఎల్ కస్టమర్లకు స్కామర్‌లను నివారించడం సులభం అవుతుంది. నవంబర్ 1 నుంచి సిమ్ కార్డులకు సంబంధించిన నిబంధనలు అమలులోకి రావచ్చు.
ఫేక్ కాల్స్, మెసేజ్‌లను అరికట్టేందుకు ప్రభుత్వం నిబంధనలు మార్చిందని, ఫేక్ కాల్స్ ఆపాలని టెలికాం ఆపరేటర్లకు ఆదేశాలు జారీ చేసింది. మోసగాళ్లు ఫేక్ కాల్స్, మెసేజ్ ల ద్వారా ప్రజలను మోసం చేసి వారి బ్యాంకు ఖాతాలను ఖాళీ చేస్తున్నారు.కొత్త రూల్ ప్రకారం, ఫోన్‌కు వచ్చే కాల్స్, మెసేజ్‌లను టెలికాం ఆపరేటర్లు ముందే స్క్రీనింగ్ చేస్తారు. ఈ నంబర్లలోని కొన్ని కీలకపదాలను గుర్తించడం ద్వారా ఆ సందేశాలు, కాల్‌లు వెంటనే బ్లాక్ చేసేస్టారు. ఇది కాకుండా సిమ్ కార్డ్ వినియోగదారులు ఫిర్యాదు చేసినా, ఆ సందేశాలు, కాల్ నంబర్లు బ్లాక్ చేస్తారు. మోసాన్ని అరికట్టడంలో సహాయపడే ఈ చర్యలు ఎంతగానో ఉపయోగపడనున్నాయి.
|
|