బంగారం ధర భారీగా తగ్గింది..

బంగారం ధరలు రోజురోజుకు భారీగా పడిపోతున్నాయి. నవంబర్ 13వ తేదీ బుధవారం బంగారం ధరలు చూస్తే, పసిడి ప్రియులు ఆనందంతో గంతులు వేస్తారు. బంగారం ధర నిన్నటితో పోల్చి చూస్తే ఏకంగా 2000 రూపాయలు తగ్గింది.24 క్యారెట్ల 10 గ్రాముల బంగారం ధర నేడు 77650 రూపాయలకు పడిపోయింది. ఇక 22 క్యారెట్ల 10 గ్రాముల బంగారం ధర 71650 రూపాయలకు పడిపోయింది. బంగారం ధరలు గడచిన నాలుగు రోజులుగా గమనించినట్లయితే దాదాపు 3 వేల రూపాయలు తగ్గింది. బంగారం ధరలు ఒక దశలో 82 వేల రూపాయలు ఎగువన ఆల్ టైం రికార్డ్ స్థాయిని నమోదు చేశాయి. అక్కడితో పోల్చి చూస్తే బంగారం ధర ప్రస్తుతం దాదాపు 5వేల రూపాయలు తగ్గింది. బంగారం ధరలు నిన్న 78 వేల రూపాయల వద్ద ఉండగా ప్రస్తుతం 77 వేల రూపాయల స్థాయికి పడిపోయింది.బంగారం ధరలు భారీగా పెరగడం వెనుక అనేక కారణాలు ఉన్నాయి. ముఖ్యంగా అమెరికాలో డోనాల్డ్ ట్రంప్ అధికారంలోకి రావడంతో, పాటు ఫెడరల్ రిజర్వ్ వడ్డీ రేట్లు తగ్గించింది. దీంతో మార్కెట్లో బంగారం ధరలు ఒక్కసారిగా తగ్గుముఖం పట్టడం ప్రారంభించాయి. ఇన్వెస్టర్లు బంగారం నుంచి తమ పెట్టుబడులను ఉపసంహరించి స్టాక్ మార్కెట్లో అలాగే ఇతర పెట్టుబడి సాధనాల పైన పెట్టుబడి పెట్టేందుకు ఆసక్తి చూపిస్తున్నారు. దీంతో బంగారం ధరలు భారీగా తగ్గుముఖం పడుతున్నాయి. అమెరికాలో బంగారం ధరలు ఇలా ఉన్నాయి. 24 క్యారెట్ల ఒక ఔన్స్ బంగారం ధర భారీగా తగ్గింది. ప్రస్తుతం ఒక ఔన్స్ (31 గ్రాములు సుమారు) బంగారం ధర 2600 డాలర్ల వద్ద ఉంది. గతంతో పోల్చి చూస్తే ఇది చాలా తక్కువ అనే చెప్పాలి. ఎందుకంటే బంగారం ధరలో ఒక దశలో 2700 డాలర్ల వరకు పెరిగింది.బంగారం ధరలు, ఒక దశలో భారీగా పెరిగి ఇప్పుడు తగ్గుముఖం పడుతున్న నేపథ్యంలో ఇన్వెస్టర్లు ఎలాంటి వ్యూహం అనుసరిస్తే మంచిది అని చాలామంది ఆలోచనలో పడ్డారు. మరోవైపు బంగారం ధరలు తగ్గుతున్న నేపథ్యంలో ఆభరణాలు కొనుగోలు చేసే వారిలో ఆశలు చిగురిస్తున్నాయి. 22 క్యారెట్ల బంగారం ధర మళ్లీ 71 వేలకు పడిపోవడంతో ఆభరణాలు కొనుగోలు చేసే వారికి భారం తగ్గింది. బంగారం ధరలు భవిష్యత్తులో కూడా ఇలాగే తగ్గుతాయా లేదా పెరుగుతాయా అనేది ఇంకా తేలాల్సి ఉంది. ఇదిలా ఉంటే బంగారం లో పెట్టుబడులు పెట్టడం ద్వారా లాభాలు పొందాలి అనుకుంటే మాత్రం కేంద్ర ప్రభుత్వం ప్రవేశపెట్టిన సావరిన్ గోల్డ్ బాండ్స్ లో పెట్టుబడులు పెడితే మంచిదని నిపుణులు సూచిస్తున్నారు.