ట్రంప్​ కొత్త ఎఫ్​బీఐ చీఫ్​గా గుజరాతీ..!

డొనాల్డ్​ ట్రంప్​ మరో కీలక నిర్ణయం తీసుకున్నారు. ఎఫ్​బీఐ హెడ్​గా ఒక ఇండో అమెరికన్​ని ఎంచుకున్నారు. ఈ గుజరాతీ కాష్​ పటేల్​.. ట్రంప్​కి విధేయుడు. ఫెడరల్ బ్యూరో ఆఫ్ ఇన్వెస్టిగేషన్ (ఎఫ్​బీఐ) తదుపరి డైరెక్టర్​గా కాష్ పటేల్​ని నియమిస్తున్నట్లు అమెరికా అధ్యక్షుడిగా ఎన్నికైన డొనాల్డ్ ట్రంప్ ప్రకటించారు. ఈ కాష్​ పటేల్​, ట్రంప్​నకు చిరకాల మద్దతుదారుడు. "డీప్​ స్టేట్​" అనే ఘర్షణాత్మక ఆలోచనకు ప్రసిద్ధి చెందిన ఈ కొత్త ఎఫ్​బీఐ హెడ్​.. గతంలో అమెరికన్ దర్యాప్తు సంస్థను తీవ్రంగా విమర్శించారు.
రాబోయే సంవత్సరాల్లో ఎఫ్​బీఐకి నాయకత్వం వహించే అవకాశం ఉన్న కాష్ పటేల్.. ఇండో అమెరికెన్​, గుజరాతీ. ఆయన డొనాల్డ్ ట్రంప్ ఎజెండాను విశ్వసిస్తారు. వాటిని అమలు చేస్తారు. ట్రంప్​ అధ్యక్షుడిగా ఉన్న సమయంలో ఆయన ఎజెండాలను నిర్వర్యం చేసేందుకు ఎఫ్​బీఐ సహా అమెరికా ఫెడరల్​ ఏజెన్సీలు పని చేశాయని కాష్​ పటేల్​ తీవ్ర స్థాయిలో విమర్శించారు. ఇదీ.. ట్రంప్ కొత్తగా నియమించిన కాష్ పటేల్ విధేయత. నిరంతరం మారుతున్న రాజకీయ వాతావరణంలో, ముఖ్యంగా 2015లో, కాష్ పటేల్ డొనాల్డ్ ట్రంప్​నకు అత్యంత స్థిరమైన విధేయులలో ఒకరిగా అవతరించారు. ట్రంప్ మొదటి అధ్యక్ష పదవీకాలంలో కూడా ఆయన కీలక పాత్ర పోషించారు.
ఇంకా చెప్పాలంటే.. ట్రంప్​కి బలమైన మద్దతుదారుడిగానే కాష్​ పటేల్​ అని క్యారెక్టర్​ని బిల్డ్​ చేసుకున్నారు. ట్రంప్ అమెరికన్ ఎజెండాకు ముప్పుగా భావించే వారిపై ఘర్షణాత్మక వైఖరిని గతంలో ప్రదర్శించారు.
2016లో హౌస్ ఇంటెలిజెన్స్ కమిటీ మాజీ చైర్మన్ డెవిన్ న్యూన్స్​కు పటేల్ సహాయకుడిగా పనిచేశారు. ఇది ఆయన న్యాయవాద వృత్తి నుంచి రాజకీయ వృత్తిలోకి మారడానికి దారితీసింది. అప్పుడే ట్రంప్ విధేయుడిగా పేరు సంపాదించింది.