డిసెంబర్‌ 13 నుంచి రెడ్‌మీ నోట్‌ 14 సిరీస్‌ విక్రయాలు ప్రారంభం

ప్రముఖ మొబైల్‌ తయారీ కంపెనీ షావోమీ.. రెడ్‌మీ నోట్‌ 14 సిరీస్‌లో (Redmi note 14) కొత్త ఫోన్లను మార్కెట్లోకి లాంచ్‌ చేసింది. రెడ్‌మీ నోట్‌ 14 (Redmi Note 14), రెడ్‌మీ నోట్‌ 14 ప్రో (Redmi Note 14 pro), రెడ్‌మీ నోట్‌ 14 ప్రో+ (Redmi Note 14 Pro+) పేర్లతో వీటిని తీసుకొచ్చింది. గత జనరేషన్‌ ఫోన్లతో పోలిస్తే చాలా వరకు మార్పులు చేశామని షావోమీ పేర్కొంది. ఇంతకీ కొత్త ఫోన్ ధరలెంత? స్పెసిఫికేషన్లు ఏంటి?

రెడ్‌మీ నోట్‌ 14
రెడ్‌మీ నోట్ 14 సిరీస్‌లో బేస్‌ మోడల్‌ నోట్‌ 14. ఇది 6.67 అంగుళాల అమోలెడ్‌ డిస్‌ప్లే, 120Hz రిఫ్రెష్‌ రేటు, 2100 నిట్స్‌ పీక్‌ బ్రైట్‌నెస్‌ ఉంది. ఇందులో మీడియాటెక్‌ డైమెన్‌సిటీ 7025 అల్ట్రా చిప్‌ అమర్చారు. ఇందులో 50 ఎంపీ ప్రధాన కెమెరా, 2 ఎంపీ సెకండ్‌ కెమెరా ఇచ్చారు. ముందు వైపు 16 ఎంపీ కెమెరా ఉంది. ఇందులో 5110 ఎంఏహెచ్‌ బ్యటరీ ఇచ్చారు. ఇది 45W ఫాస్ట్‌ ఛార్జింగ్‌కు సపోర్ట్‌ చేస్తుంది.
ధరలు: 6జీబీ+128జీబీ - రూ.17,999; 8జీబీ+128జీబీ- రూ.18,999; 8జీబీ+256జీబీ- రూ.20,999

 రెడ్‌మీ నోట్‌ 14 ప్రో 

రెడ్‌మీనోట్‌ 14లో 6.67 అంగుళాల 1.5k అమోలెడ్‌ డిస్‌ప్లే ఇచ్చారు. ఇది 120Hz రిఫ్రెష్ రేటుకు సపోర్ట్‌ చేస్తుంది. గొరిల్లా గ్లాస్‌ విక్టస్‌ 2 ప్రొటెక్షన్‌తో వస్తోంది. ఇందులో మీడియాటెక్‌ డైమెన్‌సిటీ 7,300 అల్ట్రా ప్రాసెసర్‌ను ఇచ్చారు. వెనుకవైపు 50 ఎంపీ కెమెరా, 8 ఎంపీ అల్ట్రావైడ్‌ యాంగిల్‌ లెన్స్‌ ఇచ్చారు. 2 ఎంపీ మ్యాక్రో సెన్సర్‌ ఇచ్చారు. ముందువైపు ఏఐ సెల్ఫీ కెమెరా ఇచ్చామని కంపెనీ పేర్కొన్నప్పటికీ.. ఎన్ని మెగాపిక్సల్‌ అనే వివరాలు మాత్రం వెల్లడించలేదు. 5,500 ఎంఏహెచ్‌ బ్యాటరీ 45W ఫాస్ట్‌ ఛార్జింగ్‌ సదుపాయంతో వస్తోంది.

ధరలు: 8జీబీ+128జీబీ- రూ.23,999; 8జీబీ+ 256జీబీ- రూ.25,999

రెడ్‌మీ నోట్‌ 14ప్రో (Redmi Note 14 Pro+)
రెడ్‌మీ నోట్‌ 14 సిరీస్‌లో హైఎండ్‌ మోడల్‌ ప్రో+. ఇది 6.67 అంగుళాల 1.5k అమోలెడ్‌ డిస్‌ప్లే, 3000 నిట్స్‌ పీక్‌ బ్రైట్‌నెస్‌ ఇచ్చారు. ఇందులో క్వాల్‌కామ్‌ స్నాప్‌డ్రాగన్‌ 7ఎస్‌ జనరేషన్‌ 3 ప్రాసెసర్‌ను అమర్చారు. ఇందులోనూ ట్రిపుల్‌ కెమెరా సెటప్‌ ఇచ్చారు. 50 ఎంపీ ప్రధాన కెమెరా, 12 ఎంపీ అల్ట్రా వైడ్‌ యాంగిల్‌ కెమెరా, 50 ఎంపీ టెలిఫొటో లెన్స్‌ ఇచ్చారు. ముందు ఏఐ కెమెరా ఉంది. వివరాలు వెల్లడించలేదు. 6,200 ఎంఏహెచ్‌ బ్యాటరీ ఇచ్చారు. ఇది 90W ఫాస్ట్‌ ఛార్జింగ్‌ సపోర్ట్‌ చేస్తుంది.

ధరలు: 8జీబీ+128జీబీ - రూ.29,999; 8జీబీ+256జీబీ- రూ.31,999; 12జీబీ+512జీబీ- రూ.34,999
విక్రయాలు ఎప్పటి నుంచి?

రెడ్‌మీ నోట్‌ 14 సిరీస్‌ విక్రయాలు డిసెంబర్‌ 13 నుంచి ప్రారంభం కానున్నాయి. రెడ్‌మీ నోట్‌ 14ని అమెజాన్‌లో విక్రయించనున్నారు. మిగిలిన రెండు ఫోన్లు ఫ్లిప్‌కార్ట్‌లో లభిస్తాయి. వీటితో పాటు ఎంఐ.కామ్‌, షావోమి రిటైల్‌ స్టోర్లలో లభించనున్నాయని కంపెనీ పేర్కొంది.