ఇంట్లో ఉండే పసుపుతోనే ఒంట్లోని షుగర్ సమస్యని దూరం చేసుకోండిలా

షుగర్ సమస్య వచ్చిందంటే ప్రతి ఒక్క విషయంలోనూ జాగ్రత్తగా ఉండాలి. ఈ నేపథ్యంలోనే, షుగర్‌ని కంట్రోల్ చేసుకునేందుకు మెడిసిన్స్ ఎక్కువగా వాడడం చేస్తుంటారు.న అలా కాకుండా మనం తీసుకునే ఆహారంతోనే షుగర్‌ లెవల్స్‌ని చాలా వరకూ కంట్రోల్ చేసుకోవచ్చు. అందులో భాగంగా పసుపుని ఎలా వాడాలో తెలుసుకోండి.

​పసుపు.. ఇదులో కర్కుమిన్ ఉంటుంది. ఇది చాలా రకాల ఆరోగ్య సమస్యల్ని దూరం చేస్తుంది. గాయాలని మాన్పించడం దగ్గర్నుంచి డయాబెటిస్‌ని కంట్రోల్ చేయడం వరకూ ఎన్నో సమస్యలకి చెక్ పెడుతుంది. కొన్ని అధ్యయనాల ప్రకారం షుగర్ ఉన్నవారు పసుపుని తీసుకుంటే చాలా మేలు జరుగుతుంది. దీనిని మోతాదులో తీసుకుంటే నేచురల్‌గానే బ్లడ్ షుగర్ లెవల్స్ తగ్గుతాయి. అయితే, ఎలా తీసుకోవాలని ఆలోచిస్తున్నారు.. మీకోసమే ఈ టిప్స్..

పసుపు, అల్లం..

ఈ రెండు పదార్థాలు కూడా ఆరోగ్యానికి చాలా మంచిది. ఈ రెండింటిని మనం గోరువెచ్చని పాలతో కలపి తీసుకోవాలి. కొద్ది కొద్ది పరిమాణంలో పాలలో వేసి మరిగించాలి. తర్వాత చల్లారక తీసుకోవాలి. దీంతో షుగర్ లెవల్స్ కంట్రోల్ అవుతాయి.

తేనె, పసుపు..

మీరు ఈ టిప్ ఫాలో అయ్యే ముందు కచ్చితంగా ఫిజీషియన్‌ని కలవాలి. తేనె తీపి పదార్థం. ఇది షుగర్ ఉన్నవారు ఎక్కువ రోజులు తసీుకోవద్దు. తీసుకున్నా తక్కువ పరిమాణంలోనే తీసుకోవాలి. గోరువెచ్చని నీటిలో కొద్దిగా తేనె, పసుపు కలపాలి. ఈ కాంబినేషన్ షుగర్ తగ్గించడం దగ్గర్నుంచి గాయాల్ని మాన్పించి, కొలెస్ట్రాల్‌ని కూడా తగ్గిస్తుంది. ముందుగానే కచ్చితంగా డాక్టర్‌ని కన్సల్ట్ అవ్వాలని గుర్తుపెట్టుకోండి.

దాల్చిన చెక్క, పసుపు..

విడివిడిగా దాల్చినచెక్క, పసుపులో గొప్ప గుణాలు ఉంటాయి. వీటిని పొడుల్లా చేసి గోరువెచ్చని పాలలో కలిపి ఉదయాన్నే తాగండి. అధ్యయనాల ప్రకారం ఈ రెండింటి కాంబినేషన్ ఇన్సులిన్, ట్రైగ్లిజరైడ్స్‌ని తగ్గిస్తాయి. హెవీ మీల్స్ తీసుకున్న తర్వాత వీటిని తీసుకోవచ్చు. దీని వల్ల రక్తంలో చక్కెర స్థాయిలు చాలా వరకూ తగ్గుతాయి.

పసుపు, మిరియాలు..

ఈ టిప్ వల్ల కేవలం డయాబెటిస్ మాత్రమే తగ్గదు. దీని వల్ల జలుబు, దగ్గు వంటివి కూడా తగ్గుతాయి. దీనికోసం ఓ గ్లాసు గోరువెచ్చని పాలు తీసుకోవాలి. అందులో కొద్దిగా, మిరియాల పొడి, పసుపు వేసి బాగా కలపాలి. మిరియాల్లోని ఫైటోకెమికల్, పసుపులోని కర్కుమిన్ రక్తనాళాల ఆరోగ్యాన్ని మెరుగ్గా చేస్తుంది. దీంతో షుగర్ ఉన్నవారికి చాలా మంచిది.

పాలలో పసుపు..

గోరువెచ్చని పాలలో కొద్దిగా పసుపు వేసుకుని తీసుకోండి. దీని వల్ల షుగర్ ఉన్నవారికి చాలా మంచిది. ఉదయాన్నే తాగొచ్చు. లేదంటే రాత్రి పడుకునే ముందు తాగొచ్చు. దీని వల్ల టైప్ 2 డయాబెటిస్ వచ్చే రిస్క్ తగ్గుతుంది. దీని వల్ల ఇతర లాభాలు కూడా ఉన్నాయి.

ఉసిరి, పసుపు..

ఈ టిప్ ఫాలో అవ్వడం కోసం చిన్న చిటికెడు పసుపుని 2 టేబుల్ స్పూన్ల ఉసిరిరసంతో కలిపి ఉదయాన్నే తీసుకోవాలి. దీనిని తీసుకోవడం వల్ల బ్లడ్ షుగర్ లెవల్స్ తగ్గుతాయి. ఉసిరిలో యాంటీ డయాబెటిక్ గుణాలు ఉంటాయి. ఇవి షుగర్ లెవల్స్‌ని కంట్రోల్ చేయడమే కాదు.. కొలెస్ట్రాల్‌ని కూడా తగ్గిస్తాయి.అయితే, పసుపు మంచిదే కానీ, మరీ ఎక్కువ మోతాదులో తీసుకోకూడదు. ఏదైనా కొద్దిమోతాదులోనే తీసుకోవాలని గుర్తుంచుకోండి. అదే విధంగా, వీటన్నింటినీ ఫాలో అయ్యే ముందు డాక్టర్‌ని కన్సల్ట్ అవ్వాలి. దీంతో ఎలాంటి సమస్యలు రాకుండా ఉంటాయి.