ఆసుపత్రి అభివృద్ధికి కృషి చేస్తా
Andhra Pradesh Telugu | Suryaa Desk | Published : Sat, Dec 14, 2024, 04:26 PM
గన్నవరం సామాజిక ఆరోగ్య కేంద్రం(సీహెచ్సీ)ను వంద పడకల ఆస్పత్రిగా అభివృద్ధి చేసేందుకు కృషి చేస్తానని ప్రభుత్వ విప్, ఎమ్మెల్యే యార్లగడ్డ వెంకట్రావు అన్నారు. శుక్రవారం నిర్వహించిన సీహెచ్సీ కమిటీ ప్రమాణ స్వీకారంలో ఆయన మాట్లాడారు. ఎయిర్పోర్టుకు దగ్గరలో ఉన్న ఈ ఆస్పత్రిని వంద పడకల ఆస్పత్రిగా మార్చేందుకు వైద్య, ఆరోగ్య శాఖ మంత్రి సత్యకుమార్ యాదవ్తో మాట్లాడానని, వచ్చే బడ్జెట్లో నిధులు కేటాయిస్తారని ఆశిస్తున్నానని ఆయన తెలిపారు. సీహెచ్సీలో తక్షణమే మరమ్మతులు, ఎలక్ర్టికల్ పనులు చేయాలని ఎంపీడీవో టి.స్వర్ణలతకు ఆయన సూచించారు. గన్నవరం పంచాయతీ నుంచి రూ.5 లక్షలు ఆస్పత్రికి ఇవ్వాలని సూచించారు. కేడీసీసీ బ్యాంకు సీజీఎఫ్ ఫం డ్ నుంచి కొంత నగదు వచ్చేలా చేస్తానన్నారు. జాయింట్ కలెక్టర్ గీతాంజలి శర్మతో మాట్లాడి సీహెచ్సీలో ఫర్నిచర్ ఏర్పాటు చేయిస్తానన్నారు. ఆస్పత్రి చైర్మన్గా ఎమ్మెల్యే యార్లగడ్డ వెంకట్రావు, కమిటీ సభ్యులుగా దేవినేని సులోచన, బుస్సే నాగప్రసాద్ బాధ్యతలు స్వీకరించారు. వైస్ ఎంపీపీ కొమ్మరాజు సుధీర్, ఆస్పత్రి ఇన్చార్జి డాక్టర్ శారమ్మ పాల్గొన్నారు.
|
|