విపరీతమైన మత్తు.. ఒంటిపై స్పృహ తప్పి నలుగురు కుటుంబ సభ్యులను కాల్చి చంపిన బాలుడు!

రోజురోజుకూ మానవ సంబంధాలు మంటగలుస్తున్నాయి. మద్యానికి, డ్రగ్స్‌కు బాలిసలై చిన్న చిన్న కారణాలకే తాము కన్నవాళ్లను, తమను కన్నవాళ్లను కాటికి పంపేస్తున్నారు చాలా మంది. కుటుంబ సభ్యులతో పాటు బంధువులు, శత్రువులు ఇలా అందరిపైనా దాడి చేస్తున్నారు. అయితే తాజాగా ఓ 16 ఏళ్ల బాలుడు కూడా మత్తులో మానవ మృగంలా మారాడు. ఆపై తనను కంటికి రెప్పలా కాచుకున్న కన్నవారితో పాటు తోడబుట్టిన వాళ్లను కూడా చంపేశాడు. ఈ ఘటన ఎక్కడ జరిగిందో మనం ఇప్పుడు తెలుసుకుందాం.

న్యూ మెక్సికోలోనే బెలెన్‌లో నివాసం ఉండే ఓ కుటుంబంలో అనుకోని విషాధం జరిగింది. ముఖ్యంగా ఆ ఇంట్లో 42 ఏళ్ల లియోనార్డో లేవా, ఆయన 35 ఏళ్ల భార్య బెంకోమో నివాసం ఉంటున్నారు. వీరికి మొత్తం ముగ్గురు పిల్లలు. అందులో ఒకరు 16 ఏళ్ల డియోగో లేవా కాగా మరొకరు 16 ఏళ్ల అడ్రియన్ లేవా. అలాగే వీరికి 14 కూతురు అలెగ్జాండర్ లేవా కూడా ఉంది. ముగ్గురు పిల్లలు సహా హాయిగా జీవిస్తున్న ఈ కుటుంబంలో ఓ అనుకోని విషాధం చోటు చేసుకుంది.

 వీళ్లు ముగ్గురు పిల్లలు ఒకరైన 16 ఏళ్ల డియోగో లేవా ఈ మద్య తాగుడుకు బానిస అయ్యాడు. అంతే కాకుండా డ్రగ్స్ కూడా తీసుకుంటున్నాడు. ఎప్పుడూ మత్తులోనే ఉంటూ.. తల్లిదండ్రుల మాట కూడా వినడం లేదు. అయితే ఎప్పటిలాగే శనివారం రోజు కూడా ఫుల్లుగా మద్యం సేవించి.. ఆపై డ్రగ్స్ తీసుకుని విపరీతమైన మత్తులో ఇల్లు చేరాడు. ఆ తర్వాత ఏం జరిగిందో తెలియదు కానీ.. డియోగో లేవా మాత్రం కుటుంబ సభ్యులు అందరినీ కాల్చి చంపాడు.

అమ్మానాన్నలతో పాటు తమ్ముడు, చెల్లిని కూడా బలి తీసుకున్నాడు. ఆపై 911 నంబర్‌కు ఫోన్ చేసి.. తానే విపరీతమైన మత్తులో ఉండి కుటుంబ సభ్యులను కాల్చి చంపినట్లు తెలిపాడు. అది విన్న పోలీసులు ముందుగా షాక్ అయి నమ్మడానికి కాస్త సమయం తీసుకున్నా ఆపై అది నిజమేనని భావించారు. ఉదయం 3.30 గంటలకు హుటాహుటిన సంఘటనా స్థలానికి చేరుకున్నారు. అప్పటికే నిందితుడు డియోగో లేవా రెండు చేతులు పైకి ఎత్తి మరీ బయటకు వచ్చాడు. పోలీసులకు సరెండర్ అయ్యాడు.

డోయోగో లేవాపై కేసు నమోదు చేసుకున్న పోలీసులు అతడిని అరెస్ట్ చేయడంతో పాటు.. నలుగురు మృతదేహాలను పోస్టుమార్టం నిమిత్తం స్థానిక ఆస్పత్రికి పంపించారు. ఈ విషయం తెలుసుకున్న స్థానికులు అంతా షాక్ అవుతున్నారు. ఎప్పుడూ సంతోషంగా ఉండే ఆ కుటుంబాన్ని లియోగో కాల్చి చంపాడనే నిజాన్ని జీర్ణించుకోలేకపోతున్నారు.