సోషల్ మీడియాలో పోస్టులపై వాదించిన అంబటి
Andhra Pradesh Telugu | Suryaa Desk | Published : Mon, Jan 06, 2025, 01:34 PM
వైయస్ఆర్సీపీ అధినేత, మాజీ సీఎం వైయస్ జగన్ మోహన్ రెడ్డి, ఆయన కుటుంబ సభ్యులపై సోషల్ మీడియాలో టీడీపీ నాయకులు పెట్టిన పోస్టులపై మాజీ మంత్రి అంబటి రాంబాబు స్వయంగా తానే న్యాయపోరాటానికి దిగారు. తన ఫిర్యాదులపై పోలీసులు కేసు నమోదు చేయకపోవడాన్ని సవాల్ చేస్తూ ఏపీ హైకోర్టులో పిటిషన్ దాఖలు చేశారు. తన కేసులపై తానే ఇవాళ హైకోర్టులో స్వయంగా వాదనలు వినిపించారు. వాదనల సందర్బంగా అంబటి మాట్లాడుతూ..వైయస్ఆర్సీపీ అధినేత వైయస్ జగన్ను సోషల్ మీడియాలో కించపరుస్తున్నారు. నాపైన, నా కుటుంబ సభ్యులపైనా తప్పుడు ప్రచారం చేస్తున్నారు. అసభ్యంగా సోషల్ మీడియాలో పోస్టులు పెడుతున్నారు. సోషల్ మీడియాలో పోస్టులపైన పట్టాభిపురం పోలీస్ స్టేషన్లో ఐదుసారు ఫిర్యాదులు ఇచ్చాను. నా ఫిర్యాదులతో పోలీసులు కేసు నమోదు చేయలేదన్నారు.
అధికార పార్టీ నేతలు ఫిర్యాదు చేస్తే ప్రతిపక్ష నాయకులపై వెంటనే కేసులు పెడుతున్నారు. ప్రతిపక్ష పార్టీ నాయకుల పట్ల పోలీసుల వివక్షత చూపిస్తున్నారు. నా ఫిర్యాదుల ఆధారంగా కేసు నమోదు చేసేలా పోలీసులు ఆదేశించండి అని పేర్కొన్నారు. పోలీసులు తరఫు న్యాయవాది వాదిస్తూ.. తమకు ఎలాంటి సమాచారం లేదని కోర్టుకు తెలిపారు. దీంతో, ధర్మాసనం.. కౌంటర్ దాఖలు చేయమని పోలీసులు తరఫున న్యాయవాదిని ఆదేశించింది. నిన్న నాలుగు ఫిర్యాదులపై కేసు నమోదు చేసినట్లు సమాచారం ఇచ్చారని కోర్టుకు అంబటి రాంబాబు తెలిపారు.
|
|