పోలీస్ క్వార్టర్స్‌లోనే లాయర్‌తో భార్య యవ్వారం.. రెడ్‌హ్యాండెడ్‌గా పట్టుకున్న కానిస్టేబుల్

ఈ మధ్య కాలంలో వివాహేతర సంబంధాలు చాలా ఎక్కువ అవుతున్నాయి. ఇంట్లో భర్తను పెట్టుకునే కొందరు భార్యలు తెలిసిన వాళ్లతో సంబంధాలు కొనసాగిస్తూ జీవితాలను నాశనం చేసుకుంటున్నారు. అలాగే చేసుకుందో యువతి. భర్త పోలీసు కావడంతో పోలీస్ క్వార్టర్స్‌లో నివాసం ఉంటూ.. భర్త స్టేషన్‌కు వెళ్లిపోగా.. పట్టపగలే లాయరైన తన స్నేహితుడిని ఇంటికి రప్పించుకుంది. ఆపై ఫుల్లుగా ఎంజాయ్ చేసింది. భార్యపై ముందు నుంచే కాస్త అనుమానం ఉండడంతో ఆమెపై ఓ కన్నేసిన కానిస్టేబుల్.. ప్రియుడితో ఆమె ఇంట్లో ఉండగానే ఇతర పోలీసులను కూడా తీసుకుని వచ్చి మరీ రెడ్‌హ్యాండెడ్‌గా పట్టుకున్నాడు. ప్రస్తుతం ఈ వీడియో నెట్టింట వైరల్ అవుతోంది. ఆ పూర్తి వివరాలు ఏంటో మనం ఇప్పుడు తెలుసుకుందాం.

కాన్పూర్‌కు చెందిన ఓ పోలీస్ కానిస్టేబుల్ తన మనసుకు నచ్చిన అమ్మాయిని ఆరేళ్ల క్రితం పెళ్లి చేసుకున్నాడు. ఆమెకు కూడా భర్త అంటే ఇష్టమే. ఇద్దరూ కలిసి చాలా హాయిగా జీవిస్తున్నారు. అయితే కొంత కాలం క్రితం నుంచి భార్యలో కాస్త మార్పును గుర్తించాడు పోలీస్ కానిస్టేబుల్. ఆమె తనకు తెలియకుండా ఏదో తప్పు చేస్తుందని భావించి.. ఆమెపై ఓ కన్నేశాడు. తను ఇంట్లో లేని సమయంలో ఆమె ఏం చేస్తుందో తెలుసుకునే ప్రయత్నం చేశాడు.

రోజూలాగే పోలీస్ స్టేషన్‌కు వెళ్లినట్లు భర్త వెళ్లిపోగానే.. భార్య తన స్నేహితుడైన లాయర్‌కు ఫోన్ చేసింది. ఇంట్లో ఎవరూ లేరని చెప్పి ఇంటికి రప్పించుకుంది. ఆపై అతడు వచ్చిన వెంటనే ఎవరూ చూడకముందు ఇంట్లోకి తీసుకెళ్లి ఫుల్లుగా ఎంజాయ్ చేసింది. తన ఇంటికి ఓ వ్యక్తి రావడం చూసిన పోలీస్ కానిస్టేబుల్.. తోటి పోలీసులను ఇంటికి తీసుకు వచ్చాడు. వాళ్లతో పాటే బయటే నిలబడి.. వీడియో తీస్తూ ఇతర పోలీసులతో డోర్ కొట్టించాడు. అతడు మాత్రం ఆమెకు కనిపించకుండా వెనకాల ఉన్నాడు. అయితే ఇంట్లో ఉన్న భార్య బయటకు వచ్చి డోర్ తీసింది. షార్ట్స్ వేసుకుని మరీ చాలా స్టైలిష్‌గా రెడీ అయి కనిపించింది.

అలా పోలీసులు ఇంట్లోకి వెళ్లగా.. అక్కడ మరో వ్యక్తి కనిపించాడు. అతడు ఎవరని అడిగారు. ఆమె మాత్రం తన తప్పును కప్పిపుచ్చుకోవడానికి తన నా కజిన్ అంటూ అబద్ధం చెప్పింది. అప్పుడే వెనకాల ఉన్న భర్త ముందుకు వచ్చి నాకు తెలియని నీ కజిన్ ఎవరని ప్రశ్నించాడు. దీంతో ఆమె నవ్వింది. కానిస్టేబుల్‌కు కాస్త కోపం వచ్చి గట్టిగా మాట్లాడగా.. నిజంగానే నేను ఆమె కజిన్ అంటూ కవర్ చేశాడు లాయర్. ఆ తర్వాత నేను ఈమె భర్తనంటూ కానిస్టేబుల్ చెప్పగా.. లాయర్ షాకయ్యాడు. ఎవరని గట్టిగా అడగ్గా... తన పేరు రణవీర్ అని లాయర్ అని వివరించాడు. ఇదంతా చూసిన భార్య కావాలంటే నీవు నాకు విడాకులు ఇచ్చెయ్ అంటూ భర్తపై కోప్పడింది. అది గుర్తించిన పోలీసులు వెంటనే లాయర్‌ను అరెస్ట్ చేసి బయటకు తీసుకు వెళ్లారు. ప్రస్తుతం ఈ వీడియో నెట్టింట తెగ వైరల్ అవుతోంది. మీరు కూడా ఓ లుక్కేయండి.