దళిత క్రీడాకారిణిపై 60 మంది అత్యాచారం.. మైనర్ బాలుడు సహా 15 మంది అరెస్ట్

 కట్టెకు చీర కట్టినా అమ్మాయే అనుకుని ఆశగా కామ వాంఛ తీర్చుకునేందుకు సిద్ధం అవుతున్నారు అనేక మంది మగాళ్లు. ఒంటరిగా ఆడది కనిపిస్తే చాలు బలవంతంగా ఆమెతో రాక్షస క్రీడ జరుపుతూ.. క్షణికానందం పొందుతున్నారు. ఒక్కసారి అలవాటు పడి.. ఆమె నోరు మెదపకపోతే పదే పదే లైంగిక దాడికి పాల్పడుతూ.. పశువుల్లా ప్రవర్తిస్తున్నారు. ఇలాంటి దాడికే పాల్పడారు అనేక మంది యువకులు. ఓ దళిత క్రీడాకారిణిపై ఏకంగా 60 మంది అత్యాచారానికి పాల్పడి ఆమెకు బతికుండగానే నరకం చూపించారు. చివరకు ఈ దారుణం వెలుగులోకి రాగా.. అంతా ఆశ్చర్యపోతున్నారు. ఆ పూర్తి విశేషాలు ఏంటో మనం ఇప్పుడు తెలుసుకుందాం.

కేరళలోని కొట్టాయంకు చెందిన ఓ దళిల బాలికకు చిన్నప్పటి నుంచి ఆటలు ఆడడం అంటే ఇష్టం. ఈక్రమంలోనే మంచి క్రీడాకారిణి కావాలనుకుని బాగా కష్ట పడుతోంది. అయితే ప్రస్తుతం 18 ఏళ్లు కల్గిన ఆమె క్రీడాకారిణిగా మంచి గుర్తింపే తెచ్చుకుంది. ఇటీవలే శిశు సంక్షేమ కమిటీ క్రీడాకారిణిలకు కౌన్సిలింగ్ నిర్వహించగా.. ఆమె అనేక ఆశ్చర్యకర విషయాలు చెప్పి అందరి చేత కంటతడి పెట్టింది. ముఖ్యంగా తనపై ఇప్పటి వరకు 60 మంది అత్యాచారానికి పాల్పడినట్లు వెల్లడించింది.

తనకు 13 ఏళ్ల వయసు ఉన్నప్పుడు మొదటి సారి తనపై లైంగిక దాడి జరిగిందని దళిత క్రీడాకారిణి వివరించింది. పక్కింటికి చెందిన ఓ వ్యక్తి తనను కొండల్లోకి తీసుకెళ్లి తన స్నేహితులతో కలిసి సామూహిక లైంగిక దాడికి పాల్పడ్డాడని.. అది ఎవరికైనా చెబితే చంపేస్తామంటూ బెదిరించారని తెలిపింది. తాను సైలెంట్‌గా ఉండడంతో వారిలో కొందరు మళ్లీ మళ్లీ తనను అత్యాచారం చేశారని వాపోయింది. ఆటల కోసం మైదానానికి వెళ్తే తోటి క్రీడాకారులు కూడా తనను లైంగికంగా వేదించారని స్పష్టం చేసింది.

కేవలం క్రీడాకారులు మాత్రమే కాకుండా తన కోచ్‌లు కూడా.. బొమ్మను చేసి బలవంతంగా తనను అనుభవించారంటూ కన్నీటి పర్యంతం అయింది. ఇదంతా బయటకు చెబితే తన కెరియర్‌తో పాటు జీవితమే నాశనం అవుతుందని భావించిన బాలిక నోరు మెదపకుండా ఉండిపోయినట్లు వెల్లడించింది. శిశు సంక్షేమ శాఖ కమిటీ సాయంతో.. పోలీస్ స్టేషన్‌కు వెళ్లి ఫిర్యాదు చేసింది. కేసు నమోదు చేసుకున్న పోలీసులు దర్యాప్తు ప్రారంభించారు. మొత్తంగా 62 మంది అనుమానితులను గుర్తించారు.

వారిలో 40 మందిపై పోక్సో చట్టంతో పాటు ఎస్సీ, ఎస్టీ అట్రాసిటీ కేసులను కూడా నమోదు చేశారు. ఇప్పటికే 15 మందిని అరెస్ట్ చేశారు. అయితే ఇందులో ఓ మైనర్ బాలుడు కూడా ఉండడం గమనార్హం. మిగతా వారిని కూడా త్వరలోనే పట్టుకుంటామని... నాలుగేళ్లుగా క్రీడాకారిణికి నరకం చూపించిన వారికి కఠిన శిక్షలు పడేలా చేస్తామని పోలీసులు చెబుతున్నారు.