ఒబామా దంపతుల విడాకులు.. అదే నిజమంటున్న మిచెల్ టీం!

అమెరికా మాజీ అధ్యక్షుడు బరాక్ ఒబామా, ఆయన భార్య మిచెల్ ఒబామా నుంచి విడాకులు తీసుకోబోతున్నట్లు పెద్ద ఎత్తున వార్తలు వస్తున్నాయి. ముఖ్యంగా ఎప్పుడూ భర్తతో కలిసి కనిపించే మిచెల్.. ఈమధ్య అనేక కార్యక్రమాలకు భర్తతో కలిసి రావడం లేదు. ఒబామా ఒక్కరే పలు కార్యక్రమాల్లో పాల్గొంటున్నారు. ముఖ్యంగా డొనాల్డ్ ట్రంప్ పదవీ స్వీకరణ మహోత్సవానికి కూడా ఒబామా ఒక్కరే హాజరు కాబోతున్నారు. ఈక్రమంలోనే వీరిద్దరి మధ్య మనస్పర్థలు వచ్చాయని విడాకులు కూడా తీసుకోబోతున్నారంటూ ప్రచారాలు సాగాయి. అయితే తాజాగీ వీటిపై మిచెల్ టీం స్పందించింది. అదే నిజం అంటూ పలు షాకింగ్ విషయాల గురించి చెప్పుకొచ్చింది. ఆ పూర్తి వివరాలు ఏంటో మనం ఇప్పుడు తెలుసుకుందాం.

ఇటీవలే అమెరికా మాజీ అధ్యక్షుడు జిమ్మీ కార్టర్ మృతి చెందగా.. అంత్యక్రియలకు బరాక్ ఒబామా ఒక్కరే హాజరయ్యారు. మిచెల్ ఇక్కడికి రాకపోవడంతో అంతా ఆశ్చర్యపోయారు. అప్పటి నుంచి మిచెల్, ఒబామాల విడాకుల గురించి ఊహాగానాలు ప్రారంభం అయ్యాయి. అయితే ఇటీవలే ఎన్నికల్లో గెలిచిన డొనాల్డ్ ట్రంప్ జనవరి 20వ తేదీన పదవీ బాధ్యతలు స్వీకరించబోతున్నారు. అయితే ఈ కార్యక్రమానికి కూడా మిచెల్ రావడం లేదని.. కేవలం ఒబామా మాత్రమే హాజరు కాబోతున్నట్లు అధికారిక వర్గాలు తెలిపాయి. ఇక ఈ వార్తతో వీరి విడాకులపై వార్తలు ఊపందుకున్నాయి.

కానీ ఈ వార్తలన్నీ అవాస్తవం అని మిచెల్ ఒబామా టీం తెలిపింది. ఒబామా, మిచెల్ వైవాహిక జీవితం చాలా సాఫీగా సాగుతోందని.. వారి జీవితాలకు సంబంధించి ఇలాంటి నిరాధార వార్తలు వ్యాప్తి చేయడం మానుకోవాలని కోరింది. అలాగే మరోసారి గట్టిగా ఒబామా దంపతులు విడాకులు తీసుకోవడం లేదని తేల్చి చెప్పింది. అయితే వారిద్దరూ పలు కార్యక్రమాలకు కలిసి హాజరు కాకపోవడానికి గల కారణాలను కూడా వెల్లడించింది.

అమెరికా మాజీ అధ్యక్షుడు జిమ్మీ కార్టర్ చనిపోయినప్పుడు మిచెల్ వేరే ప్రాంతంలో ఉన్నారని.. అందుకనే అంత్యక్రియల్లో పాల్గొనలేకపోయారని స్పష్టం చేసింది. ఇది మాత్రమే కాకుండా అమెరికా అధ్యక్షుడిగా డొనాల్డ్ ట్రంప్ ప్రమాణ స్వీకారోత్సవానికి మిచెల్ ఎందుకు హాజరు కావడం లేదో కూడా వివరించింది. గతంలో ట్రంప్ ఒబామా కుటుంబాన్ని ఉద్దేశించి చేసిన వ్యాఖ్యలు, జాతి ఆధారంగా చేసే విమర్శలు మిచెల్‌కు ఏమాత్రం నచ్చలేవని వెల్లడించింది. అప్పటి నుంచే ఆమె ట్రంప్‌పై విపరీతమైన కోపం పెంచుకున్నారని.. జీవితాంతం అది కొనసాగుతుందని చెప్పుకొచ్చింది. అందుకే ఆమె ఈ ప్రమాణ స్వీకారోత్సవానికి హాజరు కావడం లేదని మరోసారి తేల్చి చెప్పింది.