సిరల్లో పేరుకుపోయిన కొలెస్ట్రాల్‌ని కడిగేసే కూరగాయలు, తింటే గుండె కూడా భద్రం

శరీరంలో చెడు కొలెస్ట్రాల్ ఎక్కువ అయితే ముప్పు. ఈ రోజుల్లో చాలా మంది అధిక కొలెస్ట్రాల్ సమస్యతో బాధపడుతున్నారు. కొలెస్ట్రాల్ రెండు రకాలు ఉంటుంది. ఒకటి చెడు కొలెస్ట్రాల్, రెండు మంచి కొలెస్ట్రాల్. మన శరీరంలో చెడ్డ కొలెస్ట్రాల్‌ (ఎల్‌డీఎల్‌) ఎక్కువైతేనే ప్రమాదం. చెడు కొలెస్ట్రాల్‌ ఎక్కువగా ఉంటే.. గుండె జబ్బులు, స్ట్రోక్, గుండెపోటు, హైపర్‌టెన్షన్‌ వచ్చే ప్రమాదం ఎక్కువగా ఉంటుంది. చెడు కొలెస్ట్రాల్ పెరగడం వల్ల సిరల బ్లాక్ అవుతాయి. సిరల లోపలి గోడలకు కొలెస్ట్రాల్ అంటుకుని పేరుకుపోతుంది. దీంతో.. రక్తం సరిగ్గా గుండెకు చేరదు. రక్త ప్రసరణ మందగించడం వల్ల గుండె చాలా కష్టపడాల్సి వస్తుంది. దీని కారణంగా గుండె పోటు ప్రమాదం పెరుగుతుంది.

కొలెస్ట్రాల్ తగ్గించే కూరగాయలు

​గుండె ఆరోగ్యంగా ఉండాలంటే చెడు కొలెస్ట్రాల్‌ని తగ్గించుకోవాలి. జీవనశైలిలో మార్పులు, తినే ఆహారంపై దృష్టి పెట్టాలి. కొన్ని ఆహారాలు తినడం వల్ల చెడు కొలెస్ట్రాల్ పెరుగుతుంది. జంక్ ఫుడ్స్, ఫాస్ట్ ఫుడ్స్, డీప్ ఫ్రైడ్ ఫుడ్స్ తినడం వల్ల శరీరంలో చెడు కొలెస్ట్రాల్ స్థాయిలు పెరుగుతాయి. అందుకే తినే ఆహారంపై ఫోకస్ పెట్టాలి. కొన్ని కూరగాయలను తీసుకోవడం వల్ల సిరల్లో పేరుకుపోయిన చెడు కొలెస్ట్రాల్ క్లీన్ అవుతుంది. అధిక కొలెస్ట్రాల్ బారి నుంచి కాపాడే ఆ కూరగాయలేంటో ఓ లుక్కేద్దాం.

బీట్‌రూట్

​ఆరోగ్యానికి బీట్‌రూట్ చేసే మేలు అంతా ఇంతా కాదు. బీట్‌రూట్‌లో ఉండే కాల్షియం, మెగ్నీషియం, పొటాషియం, ఐరన్, విటమిన్ ఎ, సిలు శరీరానికి ఎంతో మంచివి. కరిగే ఫైబర్, నైట్రేట్ బీట్‌రూట్‌లో ఉంటాయి. ఇవి సిరలను శుభ్రపర్చడంలో సాయపడతాయి. దీంతో చెడు కొలెస్ట్రాల్ స్థాయిలు తగ్గిపోతాయి. గుండె ఆరోగ్యం మెరగవుతుంది. రోజుకు ఒకటి లేదా రెండు బీట్‌రూట్‌ని తీసుకోవాలి. బీట్‌రూట్‌ని సలాడ్, కూర, స్మూతీగా తీసుకోవాలి. కావాలంటే బీట్‌రూట్ జ్యూస్ తాగినా మెరుగైనా ఫలితాలు ఉంటాయి.

సొరకాయ

​సొరకాయలో విటమిన్ సి, బి, రైబోఫ్లేవిన్, జింక్, థయమిన్, ఇనుము, మెగ్నీషియం, మాంగనీస్ వంటి పోషకాలు పుష్కలంగా ఉంటాయి. శరీరానికి హాని చేసే కొవ్వు ఇందులో ఉండదు. ఇందులో డైటరీ ఫైబర్ పుష్కలంగా ఉంటుంది. ఇది చెడు కొలెస్ట్రాల్ స్థాయిల్ని తగ్గించడంలో ప్రభావవంతంగా పనిచేస్తాయి. సొరకాయ తినడం వల్ల ఇమ్యూనిటీ పవర్ పెరుగుతుంది. చెడు కొలెస్ట్రాల్ స్థాయిలు తగ్గి.. గుండె ఆరోగ్యం మెరగవుతుంది. సొరకాయలో నీటి శాతం ఎక్కువగా ఉంటుంది. ఇది బరువు తగ్గాలనుకునేవారికి బెస్ట్ ఆప్షన్. ఇక, సొరకాయని సలాడ్లు, జ్యూస్ రూపంలో తీసుకోవచ్చు. కావాలంటే సొరకాయని కూరగా చేసుకుని కూడా తినవచ్చు.

పాలకూర

​పాలకూరలో ఐరన్, విటమిన్ ఎ, విటమిన్ సి, విటమిన్ కె‌తో పాటు మరెన్నో పోషకాలు ఉన్నాయి. పాలకూర తీసుకోవడం వల్ల టాక్సిన్స్ బయటకు పోతాయి. సిరల్లో పేరుకుపోయిన కొలెస్ట్రాల్‌ని కడిగేస్తుంది. అంతేకాకుండా కాలేయం చుట్టూ కొవ్వు పేరుకుపోకుండా నిరోధిస్తుంది. పాలకూర తినడం వల్ల జీర్ణవ్యవస్థ బలపడుతుంది. సలాడ్, సూప్, స్మూతీ, జ్యూస్ లేదా కూర రూపంలో ఆహారంలో పాలకూరను చేర్చుకోవచ్చు. కావాలంటే పప్పు లేదా రొట్టెల్లో కలిపి పాలకూరను తీసుకోవచ్చు. పాలకూరను ఏ రూపంలో తీసుకున్నా గుండె ఆరోగ్యం మెరగవుతుందని నిపుణులు చెబుతున్నారు.

బ్రకోలి

​బ్రకోలిలో సల్ఫర్, ఫైబర్, విటమిన్ సి ఉన్నాయి. వీటితో పోషకాలు కూడా మెండుగా ఉన్నాయి. ఇవి టాక్సిన్స్‌ను బయటకు పంపుతాయి. బ్రకోలిని తీసుకోవడం వల్ల కాలేయం చెడు కొలెస్ట్రాల్ తగ్గిపోయి గుండె ఆరోగ్యంగా ఉంటుంది. బ్రకోలిని తీసుకోవడం వల్ల ఇమ్యూనిటీ పవర్ కూడా పెరుగుతుంది. బ్రకోలిని ఉడకబెట్టడం, కాల్చడం, లేదా సూప్‌ల్లో జోడించి తీసుకోవచ్చు. కావాలంటే సలాడ్, కూర రూపంలో తీసుకోవచ్చు. బ్రకోలిని ఎలా తీసుకున్నా శరీరానికి మేలు జరుగుతుందని నిపుణులు చెబుతున్నారు. బ్రకోలిలో కొలెస్ట్రాల్‌ను పీల్చుకునే ఫైబర్ ఉంటుంది. అదేవిధంగా, బ్రకోలీలో ఉండే ఫైటోకెమికల్స్ గుండెను ఆరోగ్యంగా ఉంచడంలో సహాయపడతాయి.