ట్రెండింగ్
ఇంటి వివాదంలో దాడికి పాల్పడిన వ్యక్తులపై కేసు నమోదు
Andhra Pradesh Telugu | Suryaa Desk | Published : Tue, Jan 21, 2025, 04:37 PM
అనంతపురం జిల్లా, కూడేరు మండలంలోని కమ్మూరులో ఇంటి వివాదంలో తమపై దాడి జరిగిందని వెంకటస్వామి, అతడి కుమార్తెలు గంగావతి, సాయి రూప ఇచ్చిన ఫిర్యాదు మేరకు కేసు నమోదు చేశామని సీఐ రాజు తెలిపారు. కమ్మూరులో వెంకటస్వామి అప్పటి కాంగ్రెస్ హయాంలో ప్రభుత్వ ఇల్లు నిర్మించుకుని నివసిస్తున్నాడు.అయితే ఇటీవల ఆ ఇంటి స్థలం మాదేనంటూ అదే గ్రామానికి చెందిన లింగారెడ్డి, అతడి కుమారుడు అశ్వర్థరెడ్డి దౌర్జన్యం చేసి ఇంటికి తాళం వేశారు. దీంతో సోమవారం వెంకటస్వామితో పాటు కుమార్తెలు ఆ ఇంటి వద్దకు వెళ్లి లింగారెడ్డిని నిలదీశారు. దీంతో ఆయన, కుమారుడు కలిసి వారిపై దాడి చేశారు. ఈ ఇంటి జోలికి వస్తే చంపుతామని బెదిరించారు. ఈ మేరకు బాధితులు ఫిర్యాదు చేయడంతో కేసు నమోదు చేశామని సీఐ చెప్పారు.
|
|