ఇస్తానన్న నిరుద్యోగ భృతి ఎక్కడ?
Andhra Pradesh Telugu | Suryaa Desk | Published : Wed, Jan 22, 2025, 05:37 PM
కూటమి ప్రభుత్వం ఏర్పడి ఆరు నెలలు గడిచినా నేటికీ నిరుద్యోగ భృతి ఇవ్వలే దని, ఎన్నికల హామీలను అమ లులో భాగంగా ఇస్తామన్న మెగా డీఎస్సీ ఏమైందని ఏఐవై ఎఫ్ రాష్ట్ర అధ్యక్షుడు పరుచూరి రాజేంద్రబాబు ప్రశ్నించారు. ఏఐవైఎఫ్ జిల్లా 23వ మహాసభ శ్రీకాకుళం నగరంలోని రామలక్ష్మణ జంక్షన్ వద్ద గల క్రాంతి భవన్లో మంగళవారం జరిగింది. రాష్ట్ర సహాయ కార్యదర్శి మొజ్జాడ యుగంధర్ అరుణ పతాకాన్ని ఎగరువేసి కార్యక్రమాన్ని ప్రారంభించారు. ఈ సందర్భంగా రాజేంద్రబాబు, యుగంధర్, సీపీఐ జిల్లా కార్యదర్శి చాపర వెంకటరమణ మాట్లాడుతూ.. ఎన్నికల ముందు తమ పాదయాత్రలో లోకేష్, చంద్రబాబు ఇచ్చిన మెగా డీఎస్సీ హామీ నేటికీ ప్రకటించకపోవడం దారుణమన్నారు. అప్పులు చేసి కోచింగ్ తీసుకున్నవారు తీవ్ర మానసిక ఒత్తిడికి లోనై ఆత్మహత్యలకు పాల్పడుతున్నారని ఆవేదన వ్యక్తం చేశారు. ఇప్పటికైనా ఉద్యోగ నోటిఫికేషన్లను విడుదల చేయాలని కోరారు. జిల్లాలో ఫిబ్రవరి 6 నుంచి 9వ తేదీ వరకు రాష్ట్ర మహాసభలు జరుగుతాయని తెలిపారు. కార్యక్రమంలో జిల్లా అధ్యక్ష, కార్యదర్శులు గోరు వాసుదేవరావు, కొన్న శ్రీనివాసరావు, సంతోష్, రాము, శ్యామ్, కర్ణవీరుడు, వెంకటరావు, రాజేష్, తదితరులు పాల్గొన్నారు.
|
|