ఎక్సర్‌సైజ్ చేయకుండానే బరువు, బెల్లీ కరిగిపోవాలనుకుంటున్నారా

బెల్లీ.. చూడగానే ఓ పాకెట్‌లా కనిపిస్తూ డ్రెస్సెస్ సైజ్‌ని పెరిగేలా చేస్తుంది. బాడీ మొత్తం సన్నగా ఉండి బెల్లీ ఎక్కువ ఉండేసరికి తీసుకోవాల్సిన సైజ్ కంటే ఒకట్రెండు ఎక్కువసైజ్‌లు తీసుకుంటాం. దీంతో ఆ డ్రెస్ ఫిట్టింగ్ కూడా సరిగా ఉండదు. దీంతో చాలా ఇబ్బందిగా అనిపిస్తుంది. అంతేకాదు, దీని వల్ల ఆరోగ్య సమస్యలు కూడా వస్తాయి. షుగర్, గుండె సమస్యలు వంటివి వచ్చే అవకాశం పెరుగుతుంది. అందుకోసం బరువు, బెల్లీని తగ్గించుకోవాలనుకుంటారు. కానీ, ఎన్ని ఎక్సర్‌సైజెస్, డైట్ ఫాలో అయిన ఈ బెల్లీ అంత త్వరగా తగ్గదు. అలాంటప్పుడు, మనం రోజూ కొన్ని టిప్స్‌ని మన డెయిలీ రొటీన్‌లో యాడ్ చేసుకోవాలి. ఇవి చూడ్డానికి చిన్న మార్పుల్లానే కనిపిస్తాయి. కానీ, మంచి రిజల్ట్‌ని ఇస్తాయి. వాటి గురించి తెలుసుకోండి.

పండ్ల రసాలు

ఆరోగ్యంగా ఉండాలనే ఉద్దేశ్యంతో చాలా మంది పండ్ల రసాలని ఎక్కువగా తీసుకుంటారు. కానీ, పండ్లు కూడా తీసుకోవాల్సిన మోతాదులోనే తీసుకోవాలి. ఇందులో ఉన్నవి నేచురల్ షుగర్స్ అయినప్పటికీ, ఎక్కువ మోతాదులో తీసుకోకూడదని గుర్తుంచుకోవాలి. అదే విధంగా, వీటిని పండ్లలానే తీసుకోవాలి. అంతేకానీ, వాటిని రసాల్లా చేసి తీసుకోవద్దు. పండ్లలా తీసుకోవడం వల్లే ఫైబర్ శరీరానికి అందుతుంది. రసాలలో ఆ ఫైబర్ మొత్తం పోతుంది. వీటిని ఎక్కువగా తీసుకోవడం వల్ల అందులోని చక్కెర శాతం బెల్లీ పేరుకుపోయేలా చేస్తుంది. అందుకే, మీరెంత ప్రయత్నించినా బెల్లీ, బరువుని తగ్గించుకోలేరు. కాబట్టి, మితంగా తీసుకోండి.

టీల బదులుగా

చాలా మందికి ఉదయాన్నే వేడివేడిగా కాఫీ, టీలు పడనిదే పని ముందుకెళ్లదు. కానీ, వీటి వల్లే బెల్లీ తగ్గట్లేదని ఎంతమందికి తెలుసు. వీటిలో ముఖ్యంగా కొంతమంది మంచిదని బెల్లం, తేనెలు కలిపి మరీ తాగుతారు. ఎంత తాగినా ఉదయాన్నే కాఫీ, టీల బదులు హెర్బల్ టీలు తీసుకోండి. రోజూ ఒకటే తాగడం బోర్‌గా అనిపిస్తే డిఫరెంట్‌గా ట్రై చేయొచ్చు. గ్రీన్ టీ, చమోమిలే టీ, జింజర్ టీ, మింట్ టీ, అజ్వైన్ టీ ఇలా చెప్పుకుంటూ పోతే బోలెడు టీలు ఉన్నాయి. ఇవన్నీ కూడా ఆరోగ్యానికి చాలా మంచివి. వీటిని తాగడం వల్ల ఇందులోని కొన్ని గుణాలు శరీరంలో జీవక్రియ పనితీరుని స్పీడప్ చేస్తాయి. దీంతో పొట్ట చుట్టూ ఉండే కొవ్వు ఈజీగా కరుగుతుందని నిపుణులు చెబుతున్నారు.

నూనెల బదులు

కూరల్లో నూనె ఎక్కువగా వేస్తే మహా రుచిగా ఉంటాయి. కానీ, నూనె ఎప్పుడు మంచిది కాదని గుర్తుంచుకోండి. వాడాల్సిన మోతాదులోనే వాడాలి. నూనె ఎంత తగ్గిస్తే మన ఆరోగ్యం అంత మెరుగు పడుతుంది. దీని వల్ల బెల్లీ తగ్గడంతో పాటు గుండెసమస్యలు, షుగర్ వంటివి కూడా రావు. నూనెల బదులు నెయ్యి, కొబ్బరినూనెల వంటివి వాడొచ్చు. లేదా రెండింటిని వంట నూనె కొద్దిగా మిగతావి కొంచెం వేసి వాడుకోండి. నెయ్యి, కొబ్బరినూనెలు మన శరీరంలో కొలెస్ట్రాల్‌ని కొవ్వుగా మార్చుకుండా శక్తిగా మారుస్తుంది. దీంతో బెల్లీ పెరగదు, అయితే, ఇవి మంచివే అయినప్పటికీ వీటిని కూడా మోతాదులోనే తీసుకోవాలని గుర్తుంచుకోండి.

ఫైబర్ ఫుడ్

ఆకలిగా ఉన్నప్పుడు మన దగ్గర్లో ఉన్నా జంక్ ఫుడ్, ప్రాసెస్డ్ ఫుడ్స్ అయిన బిస్కెట్స్, చాక్లెట్స్ తింటుంటారు చాలా మంది. కానీ, అలా కాకుండా ఫైబర్ ఎక్కువగా ఉండే ఫుడ్స్ తీసుకోవాలి. నట్స్, ఫ్రూట్స్, వెజిటేబుల్స్, చిక్కుళ్ల వంటివి ఎక్కువగా తీసుకోవాలి. వీటిని తీసుకోవడం వల్ల జీర్ణక్రియ పెరుగుతుంది. కారణం, వీటిలోని ఫైబర్. పీచు ఎక్కువగా ఉండే నట్స్, సీడ్స్ వంటివి తినడం వల్ల ప్రాసెస్డ్ ఫుడ్, జంక్‌ఫుడ్‌పై మనసు మళ్లదు. హ్యాపీగా బరువు తగ్గించుకోవచ్చు.

వాల్‌నట్స్

ఫైబర్, హెల్దీ ఫ్యాట్స్ ఉండే ఫుడ్స్‌లో వాల్‌నట్స్ ముందుంటాయి. కాబట్టి, వాల్‌నట్స్‌ని తినండి. వీటిని స్నాక్స్ టైమ్‌లో తినడం అలవాటు చేసుకోండి. దీంతో చక్కగా ఫ్యాట్ కరిగిపోతుంది. అయితే, వీటిని నేచురల్‌గానే తినాలి. అంతేకానీ, ఉప్పు, షుగర్ కోటెడ్‌తో ఉన్నవి తింటే ఉపయోగం ఉండదు.

ఒత్తిళ్లకి దూరంగా

బెల్లీ పెరగడానికి ముఖ్య కారణాల్లో ఒకటి స్ట్రెస్. ఎంత ట్రై చేసినా బెల్లీ తగ్గట్లేదని ఒత్తిడిగా ఫీల్ అవ్వొద్దు. ఇది కాస్తా లాంగ్ ప్రాసెస్. కానీ, రెగ్యులర్‌గా మీరు హెల్దీ లైఫ్‌స్టైల్ ఫాలో అయితే ఒక్కసారిగా కరిగే బెల్లీ ఆటోమేటిగ్గా కరుగుతూనే ఉంటుంది. కాబట్టి, ఒత్తిడిని దూరం చేసుకోండి. దీనికోసం, ధ్యానం వంటివి చేయొచ్చు.

హాయిగా నిద్ర

బెల్లీ పెరగడానికి మాత్రమే కాదు, చాలా ఆరోగ్య సమస్యలకి నిద్రలేమి ముఖ్య కారణం. కాబట్టి, చక్కగా హాయిగా నిద్రపోండి. రోజూ కనీసం 7 నుంచి 8 గంటల సుఖ నిద్ర ఉండాలి. దీంతో బెల్లీ తగ్గుతుంది. ఒత్తిడి కూడా దరిచేరదు. రోజంతా ప్రొడక్టివ్‌గా వర్క్ చేసుకుంటారు. అదే నిద్రలేకపోతే రోజంతా మత్తుగా, అలసటగా ఉంటారు. ఏ పని కూడా కాన్సంట్రేట్‌గా చేయలేరు.

వర్కౌట్

వర్కౌట్ చేయడం ఎవరికీ ఇష్టం ఉండదు. కానీ, రెగ్యులర్‌గా కనీసం వాకింగ్ లాంటివి సింపుల్‌వి ట్రై చేయండి. దీంతో బెల్లీ తగ్గడమే కాదు. మీరు యాక్టివ్‌గా కూడా ఉంటారు. పైన చెప్పినవన్నీ కూడా బెల్లీని తగ్గిస్తాయి. అయితే, వాటితో పాటు కొద్దిపాటి ఎక్సర్‌సైజ్ మీకు మరింత ఎక్కువగా రిజల్ట్‌ని ఇస్తుంది. పైగా రోజంతా యాక్టివ్‌గా ఉండేలా చేస్తుంది.