మీర్‌పేట్ మాధవి మర్డర్ కేసులో ట్విస్ట్,,,హత్యలో పాల్గొన్న మరో ముగ్గురు

హైదరాబాద్ మీర్‌పేట వెంకటమాధవి కేసు తెలుగు రాష్ట్రాల్లో సంచలనంగా మారిన విషయం తెలిసిందే. సంక్రాంతి పండగ రోజు భార్య మాధవిని రిటైర్డ్ జవాన్ గురుమార్తి దారుణంగా హత్య చేశాడు. ఆమె తలను గోడకేసి బాదాడు. మాధవి అక్కడక్కడే చనిపోయింది. ఘటన తర్వాత ఆమె శవాన్ని మాయం చేశాడు. కాయగూరలు కోసినట్టుగా భార్య శవాన్ని ముక్కలు చేశాడు. కాళ్లు, చేతులు, తల, మొండెం వేరు చేసి వాటిని వాటర్ హీటర్‌లో ఉడికించాడు. ఎముకలు పొడి చేసి చెరువులో పడేసినట్లు నిందితుడు గురుమూర్తి పోలీసుల ఎదుట వెల్లడించారు. చెప్పడానికి.. వినడానికి ఒళ్లు జలదరించే విధంగా పైశాచికంగా వ్యవహరించాడు.

తెలుగురాష్ట్రాల్లో సంచలనం సృష్టించిన ఈ కేసును పోలీసులు సైంటిఫిక్ ఆధారాలతో ఛేదించారు. నిందితుడు గురుమూర్తిని అరెస్ట్ చేసి .. బీఎన్ఎస్ యాక్ట్ 103(1), 238, 85 సెక్షన్లకింద కేసు నమోదు చేశారు. హత్యకు ఉపయోగించిన 16 వస్తువులను సైతం స్వాధీనం చేసుకున్నారు. తాజాగా కేసులో మరో సంచలన విషయం వెలుగులోకి వచ్చింది. వెంకటమాధవిని చంపేందుకు భర్త గురుమూర్తికి మరో ముగ్గురు కుటుంబీకులు సహకరించినట్లు పోలీసులు అనుమానిస్తున్నారు. వారిలో ఇద్దరు మహిళలు కూడా ఉన్నారని తెలిసింది. ఆ ముగ్గురు ప్రస్తుతం పరారీలో ఉన్నట్లు సమాచారం. పోలీసులు శనివారం నుంచి గురుమూర్తిని కస్టడీలోకి తీసుకొని మరింత లోతుగా విచారిస్తున్నారు. అతడి విచారణ తర్వాత అసలు విషయాలు వెలుగులోకి వచ్చే ఛాన్స్ ఉందని పోలీసులు తెలిపారు.

కాగా, భార్యను చంపిన తర్వాత గురుమూర్తి ఆమె తల్లితో కలిసి పోలీసు స్టేషన్‌లో మిస్సింగ్ కంప్లైంట్ ఇచ్చాడు. తనకు ఏమీ తెలియనట్లుగా ప్రవర్తించాడు. ఎటువంటి ఆధారాలు లేకుండా మాయం చేశాడు. గతంలో ఓ మహిళతో అతడికి పరిచయం ఉండగా.. అది వివాహేతర సంబంధానికి దారి తీసింది. ఆ సమయంలో మాధవి కుటుంబ సభ్యులు అతడిపై దాడి చేశారు. దాంతో బయపడిన గురుమార్తు ఆమెను చంపేసి ఆనవాళ్లు లేకుండా మాయం చేశాడు. ఇప్పటికీ ఆమె మృతదేహం లభ్యం కాలేదంటే.. అతడు ఎంత పకడ్భందీగా మృతదేహాన్ని మాయం చేశాడో అర్థం చేసుకోవచ్చు.