అప్పుడే నా సెర్చ్ హిస్టరీ బయటపడింది... రియాన్ పరాగ్

ఐపీఎల్ 2024 తర్వాత రియాన్ పరాగ్ ఒక్కసారిగా ట్రెండింగ్‌లోకి వచ్చాడు. తన బ్యాటింగ్ రికార్డ్స్‌తో పాటు యూట్యూబ్ సెర్చ్ హిస్టరీతో నెట్టింట వైరల్‌గా మారాడు. పరాగ్ యూట్యూబ్ సెర్చ్ హిస్టరీలో అనన్య పాండే, సారా అలీఖాన్ వీడియోలు సెర్చ్ చేసిన స్క్రీన్ షాట్ అప్పట్లో తెగ ట్రెండింగ్‌గా మారింది. రియాన్ పరాగ్ బాగా స్కోర్స్ చేయడానికి రీజన్ ఇదేనంటూ ట్రోల్స్ నడిచాయి.

తాజాగా ఓ పాడ్‌కాస్ట్‌కి ఇచ్చిన ఇంటర్వ్యూలో ఐపీఎల్ 2024 సమయంలో జరిగిన దానిపై క్లారిటీ ఇచ్చాడు. ఐపీఎల్ పూర్తయిన తర్వాత లైవ్ స్ట్రీమింగ్ చేస్తున్న సమయంలో తన సెర్చ్ హిస్టరీ బయటపడిందని చెప్పుకొచ్చాడు. తన దగ్గర స్పాటిఫై, యాపిల్ మ్యూజిక్స్ ఏమీ లేవని అవి డిలీట్ చేయడంతో యూట్యూబ్‌లో సెర్చ్ చేయాల్సి వచ్చిందని చెప్పాడు. లైవ్ స్ట్రీమింగ్ పూర్తయిన తర్వాత ఈ రచ్చంతా జరిగిందని ఆ రోజులను గుర్తు చేసుకున్నాడు.

ఒక్కసారిగా ఆ లైవ్ స్ట్రీమింగ్స్, స్క్రీన్ షాట్స్ సోషల్ మీడియాలో వైరల్‌గా మారాయి. ఆ సెర్చ్ హిస్టరీ గురించి క్లారిఫై చేద్దామనుకున్నా ఏ ఒక్కరూ అర్థం చేసుకోరు, అందుకే దాన్ని అలా వదిలేశానంటూ మొత్తానికి అనన్య పాండే, సారా అలీ ఖాన్ సెర్చింగ్‌పై రియాన్ పరాగ్ నోరు విప్పాడు.

ఐపీఎల్ 2024లో రియాన్ పరాగ్ అద్భుతంగా ఆడి తన బ్యాటింగ్‌ని రుచిచూపించాడు. ఒకానొక దశలో టాప్ ఆఫ్ ది టేబుల్‌గా నిలిచాడు. టోర్నీ ముగిసే సమయానికి మూడో స్థానంలో స్థిరపడ్డాడు. రియాన్ పరాగ్ 16 మ్యాచ్‌లలో 14 ఇన్నింగ్స్‌లు ఆడి 84 హైయెస్ట్ స్కోర్‌తో 573 పరుగులు చేశాడు. ఆ తర్వాత టీ20 క్రికెట్‌లోనూ ఎంట్రీ ఇచ్చి అదరగొట్టాడు.