వాటిలో పెట్టుబడితో లాభాలే కాదు.. నష్టాలూ ఉంటాయి

స్మాల్ క్యాప్ మ్యూచువల్ ఫండ్స్‌లో చాలా మంది సిస్టమాటిక్ ఇన్వెస్ట్‌మెంట్ ప్లాన్ ద్వారా ఇన్వెస్ట్ చేస్తుంటారు. అయితే ఇందులో హైరిటర్న్స్ అచ్చినట్లుగానే ఇన్వెస్టర్లకు భారీ నష్టాలూ మిగిల్చిన స్కీమ్స్ కొన్ని ఉన్నాయి. నిఫ్టీ 50 ఇండెక్స్ సెప్టెంబర్,2024లో పీక్ స్థాయికి చేరుకున్న సమయంలో ఈ ఫండ్స్ మంచి పని తీరు కనబరిచాయి. కానీ ఆ తర్వాత నిఫ్టీ అక్టోబర్ నుంచి భారీగా పడిపోతోంది. దీంతో స్మాల్ క్యాప్ ఫండ్స్ చాలా వరకు నష్టాల్లో కొనసాగుతున్నాయి. ఈ కేటగిరీలో మొత్తం 29 ఫండ్స్ అందుబాటులో ఉన్నాయి. ఇవన్నీ ప్రస్తుతం నెగిటివ్ రిటర్నులు ఇవ్వడం గమనార్హం.

స్మాల్ క్యాప్ ఫండ్స్‌లో సిప్ పెట్టుబడి గత 4 నెలల్లో మహీంద్రా మనులైఫ్ స్మాల్ క్యాప్ ఫండ్ 

 అత్యధికంగా 45.52 శాతం మేర నష్టపోయింది.

ఇక ఇతర ఫండ్స్ ను పరిశీలిస్తే ఆదిత్య బిర్లా ఎస్ఎల్ స్మాల్ క్యాప్ ఫండ్ 42.31 శాతం మేర నష్టపోయింది.

టాటా స్మాల్ క్యాప్ ఫండ్ కూడా 41.82 శాతం నష్టాలు మిగిల్చింది.

ట్రస్ట్ ఎంఎఫ్ స్మాల్ క్యాప్ ఫండ్ 40 శాతం మేర నష్టపోయింది. ఈ నాలుగు ఫండ్స్ 40 శాతానికిపైగా క్షీణించిన స్మాల్ క్యాప్ ఫండ్స్‌‌లో ఉన్నాయి.

మిగతా ఫండ్సలో 11 ఫండ్స్ ఏకంగా 35 శాతం ఆపైన నష్టపోయాయి. నిప్పాన్ ఇండియా స్మాల్ క్యాప్ ఫండ్, యూనియన్ స్మాల్ క్యాప్ ఫండ్, హెచ్ఎస్ బీసీ స్మాల్ క్యాప్ ఫండ్, ఎల్ఐసీ ఎంఎఫ్ స్మాల్ క్యాప్ ఫండ్, బ్యాంక్ ఆఫ్ ఇండియా స్మాల్ క్యాప్ ఫండ్, బరోడా బీఎన్పీ పరిబాస్ స్మాల్ క్యాప్ ఫండ్, కెనరా రొబెకో స్మాల్ క్యాప్ ఫండ్, ఎస్బీఐ స్మాల్ క్యాప్ ఫండ్, క్వాంట్ స్మాల్ క్యాప్ ఫండ్, కోటక్ స్మాల్ క్యాప్ ఫండ్, జేఎం స్మాల్ క్యాప్ ఫండ్ ఈ లిస్టులో ఉన్నాయి.

సెప్టెంబర్ 2024లో నిఫ్టీ ఇండెక్స్ 26,277 గరిష్ఠ స్థాయిని తాకింది. ఆ తర్వాత 10 శాతానికి పైగా క్షీణత నమోదు చేసింది. నిఫ్టీ గరిష్ఠ స్థాయిలో ఉన్నప్పడు రిస్క్ గురించి ఆలోచికుండా స్మాల్ క్యాప్ ఫండ్లలో పెట్టుబడి పెట్టిన వారు మూల్యం చెల్లించుకున్నారని చెప్పవచ్చు. సాధారణంగానే స్మాల్ క్యాప్ విభాగంలో రిస్క్ ఎక్కువగా ఉంటుంది. స్మాల్ క్యాప్ స్టాక్స్‌లో ఇన్వెస్ట్ చేయడంతో మార్కెట్ అనిశ్చితికి తీవ్రంగా ప్రభావితమవుతుంటాయి. అందుకే సరైన సమయంలో సరైన పెట్టుబడి నిర్ణయం తీసుకోవాలని నిపుణులు సూచిస్తున్నారు. ఎలాంటి అవగాహన లేకుండా ఈక్విటీ పెట్టుబడులు పెడితే నష్టపోవాల్సి వస్తుందంటున్నారు. సిప్ పెట్టుబడులు హైరిటర్న్స్ ఇస్తాయని చెబితే నమ్మి మోసపోవద్దని సూచిస్తున్నారు.