ఇంటర్వ్యూ కోసం వెళ్లి రొమాన్స్ చేశా..: ఆష్లీ క్లెయిర్

ఎక్స్ అధినేత, ప్రపంచ కుబేరుడు ఎలాన్ మస్క్‌యే తన బిడ్డకు తండ్రి అంటూ గత మూడ్రోజుల క్రితం రచయిత ఆష్లీ సెయింట్ క్లెయిర్ చెప్పిన విషయం అందరికీ తెలిసిందే. అయితే తాజాగా ఈమె ఓ ఇంటర్వ్యూ ఇస్తూ.. మస్క్‌తో తనకు బంధం ఎలా ఏర్పడిందో చెప్పారు. ముఖ్యంగా తాను ఆయన్ను ఓ ఇంటర్వ్యూ చేసేందుకు వెళ్లగా అక్కడే రొమాన్స్ చేసినట్లు ఒప్పుకున్నారు. అప్పటి నుంచే తమ మధ్య సంబంధం ఏర్పడిందని.. అది చాలా రోజులు కొనసాగినట్లు వివరించారు. అయితే అందుకు బదులుగా మస్క్ తనకు ఏమిచ్చాడో కూడా నిర్మొహమాటంగా వెల్లడించారు. ఆ పూర్తి వివరాలు మీకోసం.

తన ఐదు నెలల బిడ్డకు టెస్లా అధినేత ఎలాన్ మస్క్‌యే తండ్రని చెప్పిన ఆష్లీ సెయింట్ క్లెయిర్.. తాజాగా షాకింగ్ కామెంట్లు చేశారు. 53 ఏళ్ల మస్క్ చాలా ఫన్నీగా ఉంటారని.. అది చూసే అతడిని ఇష్ట పడినట్లు చెప్పారు. అంతేకాకుండా ఎన్ని వేల కోట్ల ఆస్తులు ఉన్నా చాలా సాదాసీదాగా ఉంటూ.. చాలా తెలివిగా వ్యవహిరిస్తారని వివరించారు. అందుకే తమ మధ్య 27 ఏళ్ల వ్యత్యాసం ఉన్నా అతడితో సులువుగా ప్రేమలో పడిపోయినట్లు స్పష్టం చేశారు.

మస్క్‌ను ఇంటర్వ్యూ చేసేందుకు శాన్‌ఫ్రాన్సిస్కోకు వెళ్లానని చెప్పిన అష్లీ క్లెయిర్.. అప్పుడే తొలి సారిగా ఆయన్ను చూసినట్లు వెల్లడించారు. ఈక్రమంలోనే మస్క్.. మీరు ఎప్పుడైనా శాన్‌ఫ్రాన్సిన్సోకు, ఆస్టిన్‌కు వచ్చారా అంటూ అడగ్గా.. తాను ఓసారి వచ్చినట్లు చెప్పారట. ఇలా తొలి చూపులోనే ఇద్దరూ ఒకరినొకరు ఇష్టపడగా.. ఇంటర్వ్యూ అయిన వెంటనే రొమాన్స్ చేసుకున్నట్లు తెలిపారు. ఆపై తాను హోటల్‌కు వెళ్లిపోగా.. మస్క్ ఓ మెసేజ్ చేశారని పేర్కొన్నారు. అందులో ఇద్దరం కలిసి రోడ్ ఐలాండ్‌కు వెళ్దామని ఉన్నట్లు చెప్పుకొచ్చారు

అలా మొదలైన తమ బంధం తాను గర్భం దాల్చే వరకూ తరచుగా కొనసాగిందని ఆష్లీ క్లెయిర్ వెల్లడించారు. అయితే బిడ్డ పుట్టబోతున్నట్లు తెలిసిన తర్వాత ఈ విషయాన్ని ఎవరికీ చెప్పొద్దని మస్క్ కోరాడని.. అందుకే తాను ఈ విషయాన్ని దాచినట్లు వివరించారు. కానీ కొన్ని మీడియా సంస్థలు ఈ విషయాన్ని బహిర్గతం చేశాయని ఈక్రమంలోనే.. తన బిడ్డ కోసం తానీ నిజం అందరికీ చెప్పాల్సి వచ్చిందని వ్యాఖ్యానించారు.

అయితే బిడ్డ పుట్టిన తర్వాత మస్క్ తనకు ఓ విలాసవంతమైన అపార్ట్‌మెంట్‌తో పాటు పెద్ద మొత్తంలో డబ్బులు ఇచ్చారని కూడా ఆష్లీ క్లెయిర్ వెల్లడించారు. అలాగే తమ మధ్య బంధం కూడా ప్రస్తుతం కొనసాగట్లేదని.. గర్భం దాల్చే వరకే తాము శారీరకంగా కలిసినట్లు వివరింటాకు. అంతేకాకుండా మస్క్ 13వ సంతానంగా తన బిడ్డ పేరు బయటకు రావడం వల్ల చాలా సంతోషంగా ఉందని.. దాని వల్ల తన బిడ్డ ఎవరికీ భయపడకుండా హాయిగా బతుకుతుందని చెప్పుకొచ్చారు.