కోలాహలంగా బండ లాగుడు పోటీలు

ఓర్వకల్లు మండలంలోని కాల్వబుగ్గ రామేశ్వర స్వామి మహాశివరాత్రి బ్రహ్మోత్సవాల సందర్భంగా రైతు సంఘం ఆధ్వర్యంలో నిర్వహించిన అంతర్‌ ర్రాష్ట్ర స్థాయి న్యూకేటగిరి బండ లాగుడు పోటీలు అట్టహాసంగా కొనసాగాయి. ఆదివారం మండలంలోని కాల్వబుగ్గ క్షేత్రంలో బండలాగుడు పోటీలను టీటీడీ బోర్డు సభ్యులు, నంద్యాల జిల్లా అధ్యక్షుడు మల్లెల రాజశేఖర్‌ ప్రారంభించారు. తెలుగు రాష్ట్రాల నుంచి 22 జతల ఈ పోటీల్లో పాల్గొన్నాయి. మొదటి విజేతగా తెలంగాణ రాష్ట్రం బాపట్ల గ్రామానికి చెందిన రైతు వజ్రాల తేజేశ్వర రెడ్డి ఎద్దులు 6వేల అడుగుల దూరం లాగి రూ.1.50 లక్షల నగదును గెలుపొందాయి. రెండో విజేతగా ప్లోసూరు మండలం పల్నాడు చెందిన వీరబ్రహ్మనా యుడు ఎద్దులు 5745 అడుగుల దూరం లాగి రూ.1.30 లక్షల నగదు ను గెలుపొందాయి. మూడో విజేతగా గుంటూరు జిల్లా పెద్దపొట్టిపాడు గరికపాటి లక్ష్మయ్య చౌదరి ఎద్దులు 5,418 అడుగుల దూరం లాగి రూ.1. 10 లక్షల నగదును గెలుపొందాయి. నాలుగో విజేతగా తెలంగాణ రాష్ట్రం కొత్తకోట గ్రామానికి చెందిన బొజ్జ విద్యాఓబుల్‌ రెడ్డి ఎద్దులు 5,328 అడుగుల దూరం లాగి రూ.90వేల నగదును గెలుపొందాయి. ఐదో విజేతగా కడప జిల్లా దువ్వూరు మండలం గొల్లపల్లి గ్రామానికి చెందిన వారాది రామ్‌చరణ్‌ ఎద్దులు 5,286 అడుగుల దూరం లాగి రూ.70వేల నగుదును సాధించాయి. ఆరో విజేతగా నంద్యాల జిల్లా బేతంచెర్ల మండలం గోర్లగుట్ట గ్రామానికి చెందిన బుగ్గన రాజేంద్రనాథ్‌ రెడ్డి ఎద్దులు, ఏడో విజేతగా గుంటూరు జిల్లా పెద్దకాకాని మండలం ఉప్పనూరు గ్రామానికి చెందిన రైతు తోట శ్రీనివాసరావు ఎద్దులు గెలు పొందాయి. ఎనమిదో విజేతగా తెలంగాణ గద్వాల జిల్లా దరూరు గ్రామానికి చెందిన వెంకటరెడ్డి ఎద్దులు గెలుపొందాయి. విజేతలకు దాతలు మద్దిలేటి, ఖాదర్‌ బాషా, జిలాని బాషా, కాకి రామకృష్ణుడు, కాకి దేవేంద్ర, బైరి హనుమంతరావు, శ్రీనివాసవైన్స చంద్ర పెద్ద స్వామి, ఆకుల మహేష్‌, మాబులాల్‌, మాల రామకృష్ణ, చెరువు రామకృష్ణుడు, చిన్న అయ్యన్నలు నగదును అందజేశారు. ఈ పోటీలకు వ్యాఖ్యాతగా వాడాల రామనాయుడు వ్యవహరించారు. కార్యక్రమంలో ఈవో మద్దిలేటి, ఉత్సవ కమిటీ సభ్యులు కాటినేని నారాయణ, కాకి దేవేంద్ర, టీడీపీ సీనియర్‌ నాయకులు చదువుల సుధాకర్‌ రెడ్డి, మోహన రెడ్డి, రైతు సంఘం నాయకులు జీకే సుధాకర్‌, కేవీ మధు, బజారు, జయకృష్ణ, గొల్ల నాగరాజు, వేణు, పొట్టి తిరుపతి, రామన్నగారి నారాయణ, శ్రీనివాసులు, పాల్గొన్నారు.