ట్రెండింగ్
తురకా కిశోర్ ని నెల్లూరు జైలుకి తరలించిన పోలీసులు
Andhra Pradesh Telugu | Suryaa Desk | Published : Sat, Mar 08, 2025, 10:34 AM
మాచర్ల మున్సిపల్ మాజీ చైర్మన్ తురకా కిశోర్కు స్థానిక కోర్టు గురువారం 14 రోజులు రిమాండ్ విధించింది. 2022లో పల్నాడు జిల్లా విజయపురిసౌత్లో మంజుల ఆంజనేయులు అలియాస్ అంజి అనే వ్యక్తిపై దాడి చేయడంతోపాటు కారు ధ్వంసం కేసులో కిశోర్, ఆయన సోదరుడు శ్రీకాంత్పై, సాగర్ పోలీసులు పలు కేసులు నమోదు చేయగా, తిరిగి 307 సెక్షన్ కింద కేసులను మార్చి పీటీ వారెంట్ వేశారు. కిశోర్, శ్రీకాంత్లను గురువారం మాచర్ల జూనియర్ సివిల్ కోర్టులో పోలీసులు హాజరుపరిచారు. కాగా, వీరు ఇప్పటికే పలు కేసుల్లో నెల్లూరు జిల్లా జైలులో రిమాండ్లో ఉన్నారు. ఆయా కేసుల్లో హైకోర్టు నుంచి బెయిల్ లభించింది. తాజా రిమాండ్ నేపథ్యంలో వారిని నెల్లూరు జిల్లా జైలుకు తరలించారు.
|
|