వారు ఫుల్‌గా బరువు పెరిగి పొట్ట రావడానికి కారణాలేంటో తెలుసా

పెళ్లి అనేది జీవితంలో జరిగే ముఖ్య ఘట్టం. మ్యారేజ్ అయ్యాక చాలా విషయాల్లో మార్పు వస్తుంది. మెంటల్లీ, ఫిజికల్లీ విషయాల్లోనూ కొన్ని తేడాలు వస్తాయి. ముఖ్యంగా శారీరకంగా మగవారు కాస్తా లావు అవుతారు. దీనికి చాలానే కారణాలు ఉన్నాయి. ఉన్నదానికంటే లావుగా మారడమే కాకుండా కొంతమందికి పొట్ట వివపరీతంగా పెరిగిపోతుంది. చూసిన వారు ఏంటి బాబు లావుగా మారావు.. పెళ్లైందని ఎక్కువగా తింటున్నావా అని అడుగుతారు. అసలు ఇలా ఎందుకు జరుగుతుంది. దీనికి కారణాలు ఏంటో తెలుసుకోండి.

పార్టీలు, ఫంక్షన్స్

కపుల్స్ అనగానే పార్టీలు, ఫంక్షన్స్, డిన్నర్స్, బంధువులు, స్నేహితులతో కలిసి పార్టీలు చేసుకోవడం వంటివి ఉంటాయి. దీంతో చాలా వరకూ బరువు పెరిగిపోతారు. అందులో ఇక ఆల్కహాల్ తీసుకుంటే ఇక సమస్య రెట్టింపు అవుతుంది.

బాడీలో కొలెస్ట్రాల్

పెళ్లి తర్వాత చాలా మంది బరువు పెరగడానికి ముఖ్య కారణం. బాధ్యతలు పెరిగిపోవడం. జిమ్‌కి వెళ్లే టైమ్ ఉండదు. ఈ టైమ్ కాస్తా ఇంటిపనులు, ఆఫీస్ పనులు, పిల్లలు ఇలాంటివంటివి పెరిగి బిజీగా ఉంటారు. దీంతో బరువు పెరుగుతారు. రిలేషన్ పెరిగే కొద్దీ కొంతమంది కపుల్స్ నిశ్చల లైఫ్‌స్టైల్ ఉంటుంది. బయటికి వెళ్లలేరు. ఇంట్లోనే ఉంటారు. దీంతో చాలా త్వరగా బరువు పెరుగిపోతారు.

ఆనందంతో

పెళ్లి అనేది జీవితంలో హ్యాపీ మూమెంట్. ఇది చక్కగా కోరుకున్న వారితో జరిగే సరికి చాలా మంది హ్యాపీగా ఫీల్ అవుతారు. దీంతో రిలాక్స్ అయిపోతారు. ఇదివరకటి రోజుల్లో అయితే మ్యారేజ్ అవ్వాలంటే వేరొకరిని ఇంప్రెస్ చేయాలని కోరిక ఉండేది. కానీ, పెళ్లి అయ్యాక ఆ కోరిక తగ్గిపోతుంది. దీంతో సెల్ఫ్ కేర్ తగ్గి రిలాక్స్ ఓ ముద్ద ఎక్కువగానే తింటారు. దీని వల్ల బరువు పెరిగిపోతారు.

హార్మోన్ చేంజెస్

టేస్టీ పార్టీలు, బయట తినే ఫుడ్ తినేటప్పుడు బాగానే ఉన్నా మగవారిలో బరువు పెరగడానికి కారణమవుతుంది. వీటి వల్ల హార్మోన్ల మార్పులు కూడా ఉంటాయి. క్రమంగా బాడీ ఫ్యాట్ పెరగడం వంటివి ఉంటాయి. ఒత్తిడి కారణంగా కార్టిసాల్ ఉత్పత్తి అవుతుంది. దీంతో క్రేవింగ్స్ పెరిగి ఎక్కువగా తింటారు. ఈ కారణంగానే బెల్లీ ఫ్యాట్ కూడా పెరుగుతుంది.

ఒత్తిడి

ముందుగా చెప్పుకున్నట్లు కొత్త లైఫ్ జీవితంలో ఎంత ఆనందాన్ని తీసుకొస్తుందో.. అంతే సమస్యల్ని కూడా తీసుకొస్తుంది. ఒత్తిడి పెరుగుతుంది. ఒత్తిళ్లు పెరుగతాయి. విసుగు, ఆందోళన, లైఫ్‌లో పెరిగిన బాధ్యతల కారణంగా ఎక్కువగా తింటారు. ఆ టైమ్‌లో దొరికిన ఫుడ్ తింటారు. దీంతో నిద్ర విధానాలు కూడా మారతాయి. ఆకలి, జీవక్రియపై నెగెటీవ్ ఎఫెక్ట్‌ని చూపిస్తాయి.

సమస్య పెరగకుండా

బరువు పెరగడం కామన్ అయినప్పటికీ, వాటిని కొన్ని మార్పులతో తిరిగి తగ్గించుకోవచ్చు. అందుకోసం

రెగ్యులర్ వర్కౌట్స్ చేయాలి. బయటికి వెళ్లి చేయడం కుదరకపోతే ఇంట్లోనే చేయొచ్చు. కొద్దిగా తినండి. అదికూడా తృప్తిగా అనిపించేలా తినండి. అంటే మైండ్ ఫుల్ ఈటింగ్ అన్నట్లు. టీవీ, ఫోన్ చూస్తూ కాకుండా ఫుడ్ మీదే ధ్యాస ఉంచి తినండి. మంచి లైఫ్‌స్టైల్ ఫాలో అవ్వండి. ఒత్తిడిని తగ్గించుకోండి. మంచి ఆహారం, హైడ్రేట్‌గా ఉండడం, మంచి నిద్ర ఇవన్నీ ఫాలో అయితే ఆటోమేటిగ్గా బరువు తగ్గుతారు.