జగన్ను లేకుండా చేయాలనే కుట్ర: గడికోట శ్రీకాంత్
Andhra Pradesh Telugu | Suryaa Desk | Published : Wed, Apr 09, 2025, 04:20 PM
వైఎస్ జగన్ను లేకుండా చేయాలనే కుట్రపూరితంగా వ్యవహరిస్తున్నారని వైసీపీ నేత గడికోట శ్రీకాంత్ రెడ్డి ఆరోపించారు. దేశంలో అత్యధిక ప్రజాదరణ కలిగిన నేత జగన్ అని, కానీ ఆయన పర్యటనల్లో భద్రతా వైఫల్యాలు స్పష్టంగా కనిపిస్తున్నాయన్నారు. గతంలో జగన్పై రెండుసార్లు దాడులు జరిగాయని, జెడ్ ప్లస్ రక్షణలో ఉన్న జగన్కు పర్యటన సమయంలో కనీస భద్రత కల్పించకపోవడం దారుణమన్నారు.జగన్ ఇంటి వద్ద ఒక్క కానిస్టేబుల్ కూడా లేకుండా చేశారు. ఆయన భద్రతపై కేంద్ర హోంశాఖకు రిప్రజెంటేషన్ ఇస్తాం. న్యాయస్థానాన్ని ఆశ్రయిస్తాం. మండలానికి ఒకరిని చంపితే కానీ భయం రాదు అనేలా భయోత్పాతం సృష్టిస్తున్నారు. చట్టానికి లోబడి పోలీసులకు సెల్యూట్ చేస్తాం. చట్టాన్ని మీరి అన్యాయాన్ని ప్రోత్సహించే వారికి కచ్చితంగా యూనిఫాం లేకుండా చేస్తాం. తప్పుచేయకపోతే భుజాలు తడుముకోవడం దేనికి?. రెడ్ బుక్ రాజ్యాంగం అమలుకోసం కొందరు పోలీసులు పనిచేస్తున్నారు. కొంతమంది పోలీసులకు పార్టీలు అంటగట్టి పోస్టింగ్ కూడా ఇవ్వకుండా ఇబ్బంది పెడుతున్నారు. ముగ్గురు డీజీలకు పోస్టింగ్ ఇవ్వకుండా వేధిస్తున్నారు. నలుగురు ఐపీఎస్ అధికారులను వేధిస్తున్నారు.
|
|