ఫాంహౌస్‌లో అర్ధరాత్రి అమ్మాయిలతో ముజ్రా పార్టీ,,,భగ్నం చేసిన ఎస్వోటీ పోలీసులు

హైదరాబాద్ శివారు మొయినాబాద్‌లో ముజ్రా పార్టీని పోలీసులు భగ్నం చేశారు. ఏడుగురు యువతులు, 14 మంది యువకులను అరెస్ట్ చేశారు. ఓ ఫామ్ హౌస్‌లో తెల్లవారుజామున అకస్మాత్తుగా దాడులు చేసిన ఎస్వోటీ పోలీసులు ముజ్రా పార్టీని భగ్నం చేశారు. దాడుల్లో మద్యం బాటిళ్లతో పాటు 70 గ్రాముల గంజాయిని సైతం స్వాధీనం చేసుకున్నారు. పశ్చిమ బెంగాల్, ముంబైతో పాటు ఇతర రాష్ట్రాలకు చెందిన యువతులను తీసుకొచ్చి ఫాంహౌస్‌లో పాడు పనులు చేయిస్తున్టన్లు గుర్తించారు. వారితో అర్ధనగ్నంగా డాన్సులు చేయించిన్నట్లు తెలిసింది. ఈ మేరకు పార్టీ నిర్వహకులు, ఫాంహౌస్ యజమానులపై కేసులు నమోదు చేశారు.

ముజ్రా పార్టీ అంటే ఏంటి..?

ముజ్రా పార్టీ అనేది ఒక రకమైన వినోద కార్యక్రమం. ఇది సాధారణంగా ప్రైవేట్ స్థలాలలో లేదా ఫామ్ హౌస్‌లలో నిర్వహిస్తారు. ఈ పార్టీలలో, కొంతమంది మహిళలు పాటలు పాడుతూ, నృత్యాలు చేస్తూ అతిథులను అలరిస్తారు. కొన్ని సందర్భాల్లో, ఈ నృత్యాలు అసభ్యకరంగా కూడా ఉంటాయి. ముజ్రా పార్టీలలో మద్యం, ఇతర మత్తు పదార్థాల వినియోగం కూడా ఉండవచ్చు. చాలా సందర్భాలలో, ముజ్రా పార్టీలు చట్టవిరుద్ధమైన కార్యకలాపాలకు కేంద్రంగా మారుతున్నాయి. వీటిలో వ్యభిచారం, మాదకద్రవ్యాల వినియోగం వంటి నేరాలు జరుగుతున్నట్లు పోలీసులు గుర్తించారు. ముజ్రా అనేది చారిత్రాత్మకంగా మొఘల్ కాలంలో ఆస్థానాలలో ప్రదర్శించే ఒక సాంప్రదాయ నృత్య రూపం. అయితే, ఆధునిక కాలంలో ముజ్రా పార్టీలు ఆ సంస్కృతికి భిన్నంగా, కేవలం వినోదం, కొన్నిసార్లు చట్టవిరుద్ధమైన కార్యకలాపాల కోసం ఏర్పాటు చేస్తున్నారు. అందువల్ల పోలీసులు తరచుగా ఇలాంటి పార్టీలపై దాడులు చేస్తూ నిర్వాహకులను, పాల్గొనేవారిని అరెస్టు చేస్తారు.

డ్రగ్స్‌, మత్తుపై ఉక్కుపాదం తెలంగాణలో డ్రగ్స్, గంజాయి అక్రమ రవాణా, వినియోగం వంటి వాటిని సమర్థవంతంగా ఎదుర్కోవడానికి రేవంత్ సర్కార్ ప్రత్యేకంగా తెలంగాణ యాంటీ-నార్కోటిక్స్ బ్యూరో ను ఏర్పాటు చేసింది. ఇది పోలీసు శాఖతో సమన్వయం చేసుకుంటూ ప్రత్యేక కార్యచరణలు నిర్వహిస్తుంది. రాష్ట్ర వ్యాప్తంగా పోలీసులు, ఎక్సైజ్ శాఖ అధికారులు తరచూ డ్రగ్స్, గంజాయి సరఫరా చేసే ప్రాంతాలపై, అనుమానాస్పద స్థావరాలపై దాడులు నిర్వహిస్తున్నారు. ముఖ్యంగా విద్యా సంస్థల పరిసరాల్లో నిఘా పెంచారు. డ్రగ్స్, గంజాయి కేసుల్లో పట్టుబడిన నిందితులపై కఠినమైన చట్టపరమైన చర్యలు తీసుకుంటున్నారు. డ్రగ్స్ కేసుల విచారణను వేగవంతం చేయడానికి ప్రత్యేక కోర్టులను ఏర్పాటు చేసే అంశాన్ని కూడా ప్రభుత్వం పరిశీలిస్తోంది.