ఇది నా అడ్డా అనే అర్థం వచ్చేలా కాంతార సినిమాలోని సంజ్ఞతో గెలుపు సంబరాలు చేసుకున్నాడు
sports | Suryaa Desk | Published : Fri, Apr 11, 2025, 07:19 PM_8158.jpg)
ఐపీఎల్ లో గత రాత్రి జరిగిన మ్యాచ్ లో కేఎల్ రాహుల్ అద్భుతమైన బ్యాటింగ్తో రాయల్ ఛాలెంజర్స్ బెంగళూరుపై ఢిల్లీ క్యాపిటల్స్ ఆరు వికెట్ల తేడాతో విజయం సాధించింది. చిన్నస్వామి స్టేడియంలో జరిగిన ఈ మ్యాచ్లో రాహుల్ బ్యాట్ తో విరుచుకుపడ్డాడు. 93 పరుగులతో అజేయంగా నిలిచి జట్టును గెలిపించాడు. తనకు ఇష్టమైన చిన్నస్వామి మైదానంలో రాహుల్ చెలరేగి ఆడాడు. ఇది నా అడ్డా అనే అర్థం వచ్చేలా కాంతార సినిమాలోని సంజ్ఞతో గెలుపు సంబరాలు చేసుకున్నాడు. తద్వారా ఈ స్టేడియం తన సొంత మైదానమని రాహుల్ గర్వంగా ప్రకటించాడు.164 పరుగుల లక్ష్యంతో బరిలోకి దిగిన ఢిల్లీ క్యాపిటల్స్ ఆదిలోనే కొన్ని వికెట్లు కోల్పోయినా, రాహుల్ తన అద్భుతమైన ఆటతో జట్టును గెలిపించాడు.మ్యాచ్ అనంతరం రాహుల్ మాట్లాడుతూ ఇది తన సొంత మైదానమని, ఇక్కడ ఆడటం తనకు ఎంతో అనుభూతినిస్తుందని చెప్పాడు. మ్యాచ్ తర్వాత తన సెలబ్రేషన్ కు కాంతార సినిమా కూడా ఓ స్ఫూర్తి అని తెలిపాడు. పిచ్ కొంచెం కష్టంగా ఉన్నప్పటికీ, వికెట్ల వెనుక 20 ఓవర్లు ఉండటం వల్ల పిచ్ ఎలా స్పందిస్తుందో తనకు అర్థమైందని రాహుల్ చెప్పాడు. మంచి ప్రారంభం లభిస్తే భారీ ఇన్నింగ్స్ సాధ్యమే అనుకున్నానని తెలిపాడు. కాగా, ఢిల్లీ క్యాపిటల్స్ ఈ టోర్నమెంట్లో ఓటమి లేకుండా పాయింట్ల పట్టికలో అగ్రస్థానంలో ఉంది
|
|