చెన్నై సూపర్ కింగ్స్ ని చిత్తు చేసిన కోల్కతా నైట్రైడర్స్....
sports | Suryaa Desk | Published : Sat, Apr 12, 2025, 12:01 PM
2025 IPLలో భాగంగా నిన్న చెన్నై సూపర్ కింగ్స్ vs కోల్కతా నైట్రైడర్స్ తలపడ్డాయి. ఈ మ్యాచ్ చెన్నై ఎం చిదంబరం స్టేడియంలో జరిగింది. ముందు టాస్ గెలిసిన కోల్కతా బౌలింగ్ ఎంచుకోగా చెన్నై సూపర్ కింగ్స్ బ్యాటింగ్ చేసేందుకు దిగింది. 20 ఓవర్లలో 9 వికెట్లు కోల్పోయి 103 పరుగులు చేసింది. ఆ టీమ్లో శివమ్ దూబే (31*), విజయ్ శంకర్ (29) చేసిన పరుగులే హయ్యెస్ట్ స్కోర్స్. CSK బ్యాటర్లలో రచిన్ రవీంద్ర (4), డేవోన్ కాన్వే (12), రాహుల్ త్రిపాఠి (16), విజయ్ శంకర్ (29), శివమ్ దూబే (31*) అశ్విన్ (1), జడేజా (0), దీపక్ హూడా (0), ధోని (1), నూర్ అహ్మద్ (1) పరుగులు చేశారు.
104 పరుగుల లక్ష్యాన్ని చేధించేందుకు దిగిన కోల్కతా నైట్రైడర్స్ కేవలం 10.1 ఓవర్లలో ఛేజ్ చేసి పడేసింది. ఓపెనర్లు క్వింటన్ డికాక్ (23), సునీల్ నరైన్ (44) మంచి ఓపెనింగ్ పార్ట్నర్షిప్ అందించారు. ముఖ్యంగా నరైన్ అద్భుతంగా బ్యాటింగ్ చేశాడు. కేవలం 18 బంతుల్లో 44 పరుగులు చేశాడు. ఇందులో 5 భారీ సిక్సులు, 2 ఫోర్లు ఉండడం విశేషం. వీరిద్దరూ ఔటైన తర్వాత వచ్చిన అజింక్యా రహానే (20), రింకూ సింగ్ (15) టార్గెట్ను ఫినిష్ చేశారు. చెన్నై బౌలర్లలో నూర్ అహ్మద్, అన్షుల్ కంబోజ్ చెరో వికెట్ పడగొట్టారు. ఈ మ్యాచ్ లో ప్లేయర్ ఆఫ్ ది మ్యాచ్ గా సునీల్ నరైన్ నిలిచాడు.
|
|