బెండకాయని ఇప్పుడు చెప్పిన విధంగా తీసుకుంటే షుగర్, అధిక బరువు.. రెండూ కంట్రోల్లోనే

బెండకాయల్ని నీటిలో నానబెట్టి ఆ నీటిని తాగడం వల్ల శరీరానికి ఎన్నో లాభాలున్నాయి. దీని వల్ల జీర్ణక్రియ పెరగడం దగ్గర్నుంచి మరెన్నో లాభాలున్నాయి. సాధారణంగా బెండకాయలో మంచి ఫైబర్, యాంటీ ఆక్సిడెంట్స్, అవసరమైన విటమిన్స్ ఉంటాయి. అందుకే, రెగ్యులర్‌గా ఈ కూరగాయల్ని తీసుకుంటే అవన్నీ బాడీకి అందుతాయి. వీటితో పాటు నీటిలో నానబెట్టి, ఆ నీటికి తేనెని కలిపి తీసుకుంటే కొన్ని ప్రమాదకర సమస్యల్ని దూరం చేసుకోవచ్చని నిపుణులు చెబుతున్నారు.

జీర్ణక్రియ

బెండకాయల్లో ఫైబర్ ఎక్కువగా ఉంటుంది. వీటిని నీటిలో నానబెట్టి తీసుకోవడం వల్ల అందులోని ఫైబర్ కంటెంట్ కారణంగా జీర్ణ వ్యవస్థకి చాలా మంచిది. దీంతో పాటు మలబద్ధకం కూడా తగ్గుతుంది. బెండకాయల్ని నీటిలో నానబెట్టడం వల్ల ఓ జెల్ లాంటి పదార్థం ఏర్పడుతుంది. దీని వల్ల జీర్ణ సమస్యల్ని దూరం చేసుకోవచ్చు. ​

బ్లడ్ షుగర్

బెండకాయలు తీసుకోవడం వల్ల షుగర్ కూడా కంట్రోల్ అవుతుంది. వీటిని ఏంచక్కా నీటిలో నానబెట్టి తీసుకుంటే బ్లడ్ షుగర్ లెవల్స్ సరిగ్గా మెంటెయిన్ అవుతాయి. ఇందులో తేనె కలిపి తీసుకుంటే ఇన్సులిన్ సెన్సివిటీ పెరుగుతుంది. షుగర్ ఉన్నవారికి చాలా మంచిది. అయితే, వారు తేనెని ఎక్కువగా కలపొద్దు. మొత్తానికి కలపకున్నా మంచిదే.

బరువు తగ్గడం

ముందుగానే చెప్పుకున్నట్లుగానే బెండకాయల్లో ఎక్కువగా ఫైబర్ ఉంటుంది. వీటినలో నానబెట్టి తాగడం వల్ల కడుపు నిండుగా ఉంటుంది. దీంతో ఎక్కువగా తినరు. కేలరీల సంఖ్యని తగ్గించుకున్నవారవుతారు. దీని వల్ల మెటబాలిజం రెగ్యులేట్ అవుతుంది. బరువు త్వరగా తగ్గుతారు.

ఇమ్యూనిటీ

బెండకాయల్లో యాంటీ ఆక్సిడెంట్స్, విటమిన్స్ ఎక్కువగా ఉంటాయి. ఇవన్నీ కూడా ఇమ్యూన్ సిస్టమ్‌ని బూస్ట్ చేస్తాయి. దీంతో పాటు ఇన్ఫెక్షన్స్‌ని దూరం చేస్తాయి. అదే విధంగా తేనెలో యాంటీ బ్యాక్టీరియల్, యాంటీ వైరల్ గుణాలు ఉన్నాయి. ఇవన్నీ కూడా ఇమ్యూనిటీని బలంగా చేస్తాయి. సీజన్ వచ్చేటప్పుడు వచ్చే సీజనల్ ప్రాబ్లమ్స్‌ని దూరం చేస్తాయి.

గుండె ఆరోగ్యానికి

బెండకాయల్లో ఫ్లేవనాయిడ్స్, పాలీఫెనాల్స్ వంటి యాంటీ ఆక్సిడెంట్స్ పుష్కలంగా ఉంటాయి. ఇవి వాపు, కొలెస్ట్రాల్ స్థాయిలను తగ్గిస్తాయి. బెండకాయల్లోని ఫైబర్ బాడీలోని కొలెస్ట్రాల్‌ని తగ్గిస్తుంది. దీని వల్ల గుండె సమస్యలు తగ్గుతాయి. శరీరంలో కొవ్వు పేరుకుపోదు. ఇది ప్రేగుల్లో పిత్త ఉత్పత్తిని కంట్రోల్ నియంత్రించడంలో హెల్ప్ అవుతుంది. తేనె తీసుకోవడం వల్ల రక్తపోటు తగ్గుతుంది. ఆక్సీకరణ ఒత్తిడి తగ్గుతుంది. దీంతో గుండె సమస్యలు దూరమై గుండె ఆరోగ్యానికి హెల్ప్ చేస్తుంది.

ఎప్పుడు తాగాలి

ముందురోజు రాత్రి ఒకటి లేదా రెండు బెండకాయల్ని శుభ్రం చేసి వాటిని కట్ చేసి గ్లాసు నీటిలో వేయాలి. రాత్రంతా అలానే ఉంచాలి. తర్వాతి రోజు ఉదయాన్నే పరగడపున ఈ నీటిలో కొద్దిగా తేనె కలిపి తాగాలి. రెగ్యులర్‌గా తాగితే మంచి రిజల్ట్స్ ఉంటాయి.