నూనె లేకుండానే పూరీలు,,, కొలెస్ట్రాల్ పెరగడం, గుండె సమస్యలు వస్తాయన్న భయం లేదు

టిఫిన్ అనగానే చాలా మంది రెగ్యులర్‌గా ఇడ్లీ, దోశ, చపాతీ అని చెబుతారు. కానీ, పూరీలు ఎప్పుడోసారి చేయరు. దీనికి కారణం ఇవి నూనెతో తయారుచేస్తాం. దీని వల్ల ఎక్కువగా నూనె కడుపులోకి వెళ్తుంది. నూనె ఆరోగ్యానికి మంచిది కాదు. దీని వల్ల ఒంట్లో కొలెస్ట్రాల్ పెరిగి గుండె సమస్యలు, ఇతర ప్రమాదకర సమస్యలొస్తాయి. అందుకే, ఏదో పండుగ, పబ్బానికో ఈ పూరీలు చేస్తారు. ఎప్పుడో సారి తింటారు. అలా కాకుండా వీటిని కూడా రెగ్యులర్‌గా చేస్తూ ఎంజాయ్ చేయాలంటే నూనె లేకుండా తయారు చేయాలి. అదీ సాధ్యమేనా అంటే సాధ్యమే నూనె లేకుండా హ్యాపీగా పూరీలు చేయొచ్చు. దానికోసం ఏం చేయాలో తెలుసుకోండి.

పిండి కలుపుకోవడం

ఇది రెగ్యులర్‌గానే మనం నార్మల్ పూరీలు చేసినట్లుగానే పిండిని జల్లించుకుని అందులో కాస్తా ఉప్పు చల్లి నీటితో పూరీ పిండిని కలుపుకోండి. తర్వాత దానిని 15 నుంచి 20 నిమిషాల పాటు పక్కనపెట్టండి. తర్వాత చిన్న చిన్న ఉండలు చేసి పూరీలను ఒత్తుకోవాలి. ఆ తర్వాత వీటిని చక్కగా ఫ్రై చేసుకోవడమే.

ఆవిరితో

దీనికోసం ముందుగా తయారుచేసిన పూరిల్ని ఇడ్లీ కుక్కర్‌లో వేసి 5 నిమిషాలు ఉంచాలి. రెండువైపులా పెట్టి నిమిషాల పాటు ఉంచాలి. ఇలా చేస్తే లోపల మొత్తం పిండి ఉడుకుతుంది. ఇప్పుడు వీటిని తీసి వెడల్పాటి గిన్నెలో నీరు పోసి స్టౌ వెలిగించాలి. అందులో చిన్న గిన్నె పెట్టి అందులో పూరీలు ఉంచండి. తిప్పుతూ కాల్చుకోవాలి. ఇలా సిమ్‌లోనే ఉంచితే చక్కని పూరీలు రెడీ. ఇవి పిల్లలు, పెద్దలు ఇష్టంగా తింటారు.

ఎయిర్‌ఫ్రైయర్‌లో

ముందుగా స్టీమ్ చేసిన పూరీలని ఎయిర్‌ఫ్రైయర్‌లో కాల్చుకోవచ్చు. దీనికోసం 180 డిగ్రీల పాటు హీట్ చేసి ఐదు నిమిషాల పాటు ఉంచాలి. అయితే, ఒక్కసారి ఒక్కపూరీ కాకుండా ఎక్కువ పూరీలు చేయొచ్చు. అయితే ఒకదానిపై ఒకటి పెట్టొద్దు. గ్యాప్ ఇచ్చి పక్కపక్కన పెట్టి కాల్చండి. 4 నుంచి 5 నిమిషాలు ఉంచితే పూరీలు పొంగి చక్కగా వస్తాయి. ఏంచక్కా తినొచ్చు.

ఓవెన్‌లో

అదే విధంగా తయారైన పూరీలకి కాస్తా నెయ్యి రాసి మైక్రోవేవ్ సేఫ్ ప్లేట్‌లో ఉంచి మధ్య మధ్యలో తిప్పుతూ రెండు నిమిషాలపాటు ఉంచండి. చక్కగా పూరీలు పొంగుతాయి. బేక్ చేయాలనుకుంటే 200 డిగ్రీల వద్ద ప్రీహీట్ చేసి 8 నుంచి 10 నిమిషాలు బేక్ చేస్తే చక్కని పొంగిన పూరీలని మీరు ఎంజాయ్ చేయొచ్చు.