కొత్త పన్ను విధానంలో హెచ్ఆర్ఏ మినహాయింపు ఉందా

వేతనంలో హౌస్ రెంట్ అలవెన్స్ అనేది ముఖ్యమైన భాగం. చాలా మంది ఉద్యోగులు పన్ను ఆదా చేసుకునే మార్గాలను అణ్వేషిస్తుంటారు. ఇన్‌కమ్ ట్యాక్స్ ఆదా చేసేందుకు హెచ్ఆర్ఏ సాయం చేస్తుంది. కంపెనీ చెల్లిస్తుంది కాబట్టి ఉద్యోగి తన అద్దె ఖర్చును భరించగలుగుతారు. పాత పన్ను విధానంలో హెచ్ఆర్ఏకు పన్ను మినహాయింపు ఉంది. కానీ, కేంద్ర ప్రభుత్వం కొత్త పన్ను విధానం తీసుకొచ్చిన క్రమంలో చాలా మంది ఉద్యోగుల్లో గందరగోళంనెలకొంది. న్యూ ట్యాక్స్ రెజిమ్‌లో హెచ్ఆర్ఏ ట్యాక్స్ ఎగ్జెంప్సన్ ఉందా లేదా అనే ప్రశ్న తలెత్తుతోంది. అలాగే హోమ్ లోన్ తో పాటుగా హెచ్ఆర్ఏ క్లెయిమ్ చేసుకోవచ్చా? అని అడుగుతుంటారు.

కొత్త పన్ను విధానంలో హౌస్ రెంట్ అలవెన్స్ మినహాయింపు అనేది లేదు. సెక్షన్ 115 బీఏసీ ప్రకారం హెచ్ఆర్ఏ మినహాయింపు పొందేందుకు అవకాశం లేదు. కొత్త పన్ను విధానంలో ఇన్‌కమ్ ట్యాక్స్ చెల్లించాలనుకుంటే కొన్ని ట్యాక్స్ మినహాయింపులు క్లెయిమ్ చేసుకునేందుకు అవకాశం లేదు. అందులో సెక్షన్ 10(5) లీవ్ ట్రావెల్ కన్సెసెషన్, సెక్షన్ 10 (13ఏ) హౌస్ రెంట్ అలవెన్స్, సెక్షన్ 10(14) కింద రూలే 2బీబీ పరిధిలోకి వచ్చే పిల్లల చదువుల అలవెన్స్, హాస్టల్ అలవెన్స్, యూనిఫామ్ అలవెన్స్ వంటివి పొందవచ్చు. సెక్షన్ 24(బీ) హోమ్ లోన్ వడ్డీ పేమెంట్లు, సెక్షన్ 57(iia) ద్వారా ఫ్యామిలీ పెన్షన్, సెక్షన్ 80సీ, సెక్షన్ 80డీ వంటి చాప్టర్ vi-A వంటివి ఈ జాబితాలో ఉన్నాయి. వాటికి మినహాయింపులు పొందడం కుదరదు.

 మరోవైపు.. పాత పన్ను విధానం లో హెచ్ఆర్ఏ ట్యాక్స్ ఎగ్జెంప్షన్‌తో పాటుగా హోమ్ లోన్ వడ్డీపైన మినహాయింపులు క్లెయిమ్ చేయవచ్చు. అయితే, చాలా మంది ఉద్యోగుల్లో రెండింటినీ క్లెయిమ్ చేసుకోవచ్చా లేదా అనే సందిగ్ధత ఉంటుంది. ఇలాంటి పరిస్థితుల్లో ఉద్యోగులు అద్దె ఇంటిలో ఉంటూ వారి తల్లితండ్రులు ఇంటిలో నివసిస్తున్నప్పుడు హోమ్ లోన్ ఈఎంఐ చెల్లిస్తున్నప్పుడు క్లెయిమ్ చేయవచ్చు.

హెచ్ఆర్ఏ ట్యాక్స్ మినహాయింపు ఎలా లెక్కిస్తారు?

పాత పన్ను విధానంలో హెచ్ఆర్ఏ ట్యాక్స్ మినహాయింపులు ఎలా లెక్కించాలనేది ఇన్‌కమ్ ట్యాక్స్ చట్టం వివరించింది. నిబంధనల ప్రకారం కొన్నింటిని ఆదాయపు పన్ను నుంచి మినహాయింపు ఉంటుంది. అందులో కంపెనీ నుంచి పొందిన హెచ్ఆర్ఏ, మెట్రో నగరాల్లో నివసిస్తే 50 శాతం, నాన్ మెట్రో సిటీల్లో అయి 40 శాతం శాలరీ, వార్షిక శాలరీపై ఏడాదికి 10 శాతానికిపైగా రెంట్ పే చెసినప్పుడు వంటి వాటికి మినహాయింపులు ఉంటాయి. ఒక ఉదాహరణ ద్వారా అర్థం చేసుకుందాం. ఒక వ్యక్తి ఏడాదికి రూ.3.20 లక్షలు హెచ్ఆర్ఏ పొందుతున్నారు అనుకుందాం. అతను నెలకు రూ.30 వేలు అద్దె చెల్లించినప్పుడు బేసిక్ శాలరీ రూ.8 లక్షలుగా ఉంటుంది. అసలు హెచ్ఆర్ఏ రూ.3.20 లక్షలు, 50 శాతం శాలరీ అంటే రూ.4 లక్షలు, వార్షిక శాలరీపై 10 శాతం రెంట్ పేమెంట్ అంటే రూ.2.80 లక్షలు (3,60,000- 10 % రూ.8 లక్షలు). దీని ప్రకారం రూ.2.80 లక్షలకు ట్యాక్స్ మినహాయింపు ఉంటుంది. మిగిలిన రూ.40 వేలకు ట్యాక్స్ కట్టాల్సి వస్తుంది.