‘నీట్’ పరీక్షపై ఫేక్ ప్రచారం.. 120కి పైగా ఛానళ్లపై చర్యలు!
national | Suryaa Desk | Published : Thu, May 01, 2025, 07:26 PM
నీట్ (యూజీ) 2025 పరీక్షను ఉద్దేశించి సోషల్ మీడియాలో అసత్య ప్రచారం చేస్తున్న వారిపై NTA చర్యలు తీసుకుంది. టెలిగ్రామ్లో 106, ఇన్స్టాగ్రామ్లో 16 సహా మొత్తం 120కి పైగా ఖాతాలను గుర్తించి కేసులు నమోదు చేసినట్టు తెలుస్తోంది. ఈ కేసులను కేంద్ర హోం మంత్రిత్వ శాఖకు చెందిన సైబర్ క్రైమ్ కోఆర్డినేషన్ సెంటర్కు బదిలీ చేశారు. ఫేక్ ప్రచారం చేసిన ఖాతాలను తొలగించాలని సంబంధిత సోషల్ మీడియా సంస్థలకు సూచించారు.ఇక మే 4వ తేదీన దేశవ్యాప్తంగా పలు పరీక్ష కేంద్రాల్లో మే 4న మధ్యాహ్నం 2గంటల నుంచి 5.20 గంటల మధ్య ఆఫ్లైన్ విధానంలో నీట్ యూజీ పరీక్ష జరగనుంది. ఎంబీబీఎస్తోపాటు బీడీఎస్, బీఎస్ఎంఎస్, బీయూఎంఎస్, బీహెచ్ఎంఎస్ కోర్సుల్లో ప్రవేశాల కోసం ఏటా ఈ పరీక్ష నిర్వహిస్తున్న విషయం తెలిసిందే. ఈ పరీక్షను ఇంగ్లిష్, హిందీ, తెలుగుతో పాటు మొత్తం 13 భాషల్లో పెన్ను, పేపర్ విధానంలో నిర్వహించనున్నారు.
|
|