సినీఫక్కీలో పోలీస్ స్టేషన్ నుంచి హత్య కేసు నిందితడు జంప్
national | Suryaa Desk | Published : Thu, May 01, 2025, 10:02 PM
హత్య కేసు నిందితుడు.. సినీఫక్కీలో పోలీసుల కస్టడీ నుంచి తప్పించుకున్నాడు. అయితే, పోలీసుల ముందు అతడి ఆటలు సాగలేదు. 12 గంటల్లోనే అతఢ్ని మళ్ల పట్టుకుని జైల్లో పెట్టారు. సినిమాను తలపించిన ఈ ఘటన మహారాష్ట్రలోని నాసిక్లో చోటుచేసుకోగా..సీసీటీవీ కెమెరాలో రికార్డయిన నిందితుడు ఎస్కేప్ దృశ్యాలు సోషల్ మీడియాలో వైరల్ అవుతున్నాయి. నాసిక్లోని భద్రకాళి పోలీస్ స్టేషన్కు చెందిన పోలీసులు.. ఓ హత్య కేసులో నిందితుడు క్రిష్ షిండేను అరెస్ట్ చేసి.. కోర్టు ముందు హాజరుపరిచారు. విచారణ అనంతరం కోర్టు అతడికి నాలుగు రోజుల కస్టడీని విధించింది. రిమాండ్ ఉత్తర్వులు జారీ అయిన కొద్ది క్షణాల్లోనే క్రిష్ షిండే తనతో ఉన్న కానిస్టేబుల్కు పక్కకు తోసి, కోర్టు ప్రాంగణం నుంచి మోటార్ సైకిల్ ఎక్కి కొన్ని సెకన్లలో పరారయ్యాడు. ఈ ఊహించని పరిణామంతో అప్రమత్తమైన పోలీసు అధికారులు వెంటనే అతడ్ని వెంబడించారు. ఈ వీడియో సోషల్ మీడియాలో వైరల్ కాగా.., పోలీసుల వైఫల్యంపై తీవ్ర నిరసనలు, విమర్శలు వెల్లువెత్తాయి. అయితే, 12 గంటల వ్యవధిలోనే, తప్పించుకున్న నిందితుడ్ని అరెస్టు చేశారు.
|
|