బరువు తగ్గాలంటే వేగవంతమైన నడక అవసరం

ఈ రోజుల్లో చాలా మంది అధిక బరువు, ఊబకాయం సమస్యలతో బాధపడుతున్నారు. ఒక వ్యక్తి ఆహారపు అలవాట్లు, చెడు జీవనశైలి అతని ఆరోగ్యంపై ప్రత్యక్ష ప్రభావాన్ని చూపుతాయి. ఆహారపు అలవాట్ల కారణంగా అధిక బరువు, బెల్లీ ఫ్యాట్ సమస్యలతో బాధపడుతున్నారు. అయితే, బరువు తగ్గడానికి చాలా మంది నానా ప్రయత్నాలు చేస్తున్నారు. కొందరు ఆహారంలో మార్పులు చేసుకుంటే.. మరికొందరు జిమ్‌లు చుట్టూ తిరుగుతున్నారు.

ఎన్ని ప్రయత్నాలు చేసినా చాలా మందిలో ఎక్కువ మార్పు కనిపించడం లేదు. ఎన్ని ప్రయత్నాలు చేసినా బరువు తగ్గలేకపోతున్నారు. అయితే బరువు తగ్గేందుకు వాకింగ్ బెస్ట్ ఆప్షన్ అని మీకు తెలుసా? అవును మీరు విన్నది నిజమే వాకింగ్‌తో బరువు తగ్గించుకోవచ్చు. అయితే, ఇందుకు కొన్ని రూల్స్, పద్ధతులు పాటించాల్సి ఉంటుంది. అయితే, బరువు తగ్గడానికి నడక ఎంత ముఖ్యమో, వాకింగ్ స్పీడ్ కూడా అంతే కీలకం అంటున్నారు నిపుణులు. బరువు తగ్గడానికి ఎంత వేగంతో నడవాలో ఇప్పుడు చుద్దాం.

వాకింగ్ చేసే మేలు

శరీరానికి తగిన శారీరక శ్రమ లేకపోతే ఫిట్‌నెస్, చురుకుదనం తగ్గుతుంది. ఫలితంగా గ్లూకోజ్‌ను సమర్ధవంతంగా ఉపయోగించడంలో కండరాలు విఫలమవుతాయి. శరీరంలో ఫ్యాట్ లెవల్స్ పెరుగుతాయి. డయాబెటిస్ వచ్చే ముప్పు పెరుగుతుంది. వీటన్నిటినీ దృష్టిలో పెట్టుకుని ఫిట్‌నెస్‌పై దృష్టి పెట్టాలని వైద్య నిపుణులు కోరుకుంటున్నారు. వ్యాయామాలు చేస్తే మంచి ఫలితం ఉంటుంది. అయితే.. ఇవి సాధ్యం కానివారు కనీసం వాకింగ్ చేయాలని చెబుతారు. వాకింగ్ అనేది బరువు తగ్గడానికి మాత్రమే కాదు డయాబెటిస్, గుండె విషయంలో కూడా మంచి ఆప్షన్. అయితే, ఎంత వేగంతో నడిస్తే బరువు తగ్గుతారో తెలుసుకుందాం.

నడక వేగం

* రీసెంట్ స్టడీ ప్రకారం గంటకు మూడు నుంచి నాలుగు మైళ్ల స్పీడ్‌తో నడిస్తే బరువు తగ్గుతారని నిపుణులు చెబుతున్నారు. అంటే (3.2  వేగంతో నడవాలి. ఇక, 15 నుంచి 20 నిమిషాలకు మైలు వేగంతో నడిస్తే కేలరీలు వేగంగా బర్న్ అయి బరువు తగ్గుతారని అధ్యయనాలు చెబుతున్నాయి.

* అదే నడక వేగం గంటకు 1 కి.మీ పెరుగుదలతో టైప్-2 మధుమేహం వచ్చే రిస్క్ కనీసం 9% తగ్గుదల ఉందని కనుగొన్నారు.

* గంటకు 3-5 కి.మీల మధ్య వేగంతో నడిస్తే టైప్-2 మధుమేహం వచ్చే ప్రమాదం 15% తక్కువగా ఉందని పరిశోధనలో తేలింది.

* నడక వేగం గంటకు 1 కిమీ పెరిగితే స్ట్రోక్ వచ్చే ప్రమాదం 13% తగ్గుతుందని పరిశోధకులు తెలిపారు.

* దీన్ని బట్టి చూస్తే.. ఎంత వేగంగా నడిస్తే అంత ఆరోగ్య ప్రయోజనాలు ఉంటాయని అర్థమవుతుంది. బరువు తగ్గడమే కాకుండా మానసిక, హృదయ సంబంధ వ్యాధులతో పాటు మొత్తం మరణాల రిస్క్ తగ్గుతుంది.

వాకింగ్ టైప్స్

వేగాన్ని బట్టి వాకింగ్‌ను నాలుగు కేటగిరీలుగా విభజించారు. ఈజీ వాకింగ్, యావరేజ్ వాకింగ్, కొంత చురుకైన నడక, చురుకైన నడక వంటి నాలుగు కేటగిరీలు ఉంటాయి. చురుకైన నడక వేగంలో ప్రతి గంటకు కిలోమీటరు పెరుగుదల ఉండాలి. ఈ పద్ధతిలో ప్రతి రోజూ నడిస్తే డయాబెటిస్ ప్రమాదంతో పాటు బరువు తగ్గవచ్చని నిపుణులు అంటున్నారు. అందుకే బరువు తగ్గాలనుకునేవారికి బ్రిస్క్ వాకింగ్ బెస్ట్ ఆప్షన్.

నడక సమయం కూడా ముఖ్యం

ప్రతి రోజూ కనీసం 30 నిమిషాల అయినా నడవాలంటున్నారు నిపుణులు. అయితే, ప్రతి రోజూ నడిచే వ్యవధిని పెంచుకుంటూ పోండి. ఒక రోజు 30 నిమిషాలు నడిస్తే ఆ తర్వాత 40 ఇలా పెంచుకుంటూపోండి. చివరకు రోజు గంట నడిచేలా ప్లాన్ చేయండి. ఎక్కువసేపు నడవడం వల్ల ఎక్కువ కేలరీలు ఖర్చవుతాయి. బరువు తగ్గాలన్న మీ కోరిక నెరవేరుతుంది.

ఈ విషయాలు కూడా ముఖ్యం

* మీకు ఏదైనా ఆరోగ్య సమస్య ఉంటే వైద్యుణ్ని సంప్రదించి.. ఆ తర్వాత ఈ వాకింగ్ రూల్ పాటించండి

* మీరు ఎప్పుడు వ్యాయామం చేయకపోతే.. మొదటి సారి వాకింగ్ వెళ్తుంటే నెమ్మదిగా నడక ప్రారంభించండి. రోజులు గడిచే కొద్దీ నడక వేగంతో పాటు సమయాన్ని కూడా పెంచుకోండి.

* వాకింగ్ కోసం సరైన షూస్ ఎంపిక చేసుకోండి. సరైన బూట్లు లేకపోతే వాకింగ్‌లో ఇబ్బందులు ఉంటాయి.

* వాకింగ్ సమయంలో తగినంత నీరు తాగండి.

* స్నేహితుడితో, కుటుంబ సభ్యులతో వాకింగ్ చేయడం అలవాటు చేసుకోండి. దీంతో సమయం సరదాగా గడిచిపోతుంది.

*వీపును నిటారుగా ఉంచి, భుజాలను రిలాక్స్‌గా ఉంచి వాకింగ్ చేయండి. ఇలా నడవడం వల్ల మంచి ప్రయోజనాలు అందుతాయి.