పీవోకేలో ఆహార నిల్వలకు స్థానిక అధికారుల సూచన
international | Suryaa Desk | Published : Fri, May 02, 2025, 08:36 PM
పాక్ ఆక్రమిత కశ్మీర్ లో, ముఖ్యంగా వాస్తవాధీన రేఖ వెంబడి నివసించే ప్రజలు అప్రమత్తంగా ఉండాలని, ఆహార నిల్వలను సిద్ధం చేసుకోవాలని స్థానిక యంత్రాంగం సూచించింది. భారత్-పాకిస్థాన్ల మధ్య ఇటీవల పెరుగుతున్న ఉద్రిక్తతల నేపథ్యంలో ఈ పరిణామం చోటుచేసుకోవడం ప్రాధాన్యత సంతరించుకుంది.శుక్రవారం స్థానిక అసెంబ్లీలో చౌధ్రీ అన్వర్ ఉల్ హక్ మాట్లాడుతూ, నియంత్రణ రేఖకు సమీపంలో ఉన్న 13 నియోజకవర్గాల ప్రజలు అప్రమత్తంగా ఉండాలని కోరారు. "రాబోయే రెండు నెలలకు సరిపడా ఆహార ధాన్యాలు, నిత్యావసరాలను నిల్వ చేసుకోవాలని ప్రజలకు సూచించాం" అని వెల్లడించారు.అంతేకాకుండా, ఎలాంటి ప్రతికూల పరిస్థితులనైనా ఎదుర్కొనేందుకు స్థానిక ప్రభుత్వం సిద్ధంగా ఉందని, ఇందుకోసం రూ.100 కోట్లతో ఒక అత్యవసర నిధిని ఏర్పాటు చేసినట్లు తెలిపారు. ఆహారం, ఔషధాలు, ఇతర కనీస అవసరాల సరఫరాలో ఎటువంటి అంతరాయం ఏర్పడకుండా చూడటమే ఈ నిధి యొక్క ముఖ్య ఉద్దేశ్యమని ఆయన వివరించారు.
|
|