రాజస్థాన్‌పై హార్దిక్, సూర్య ఒకేలా స్కోర్,,,ఇద్దరికీ ఒకటే అవార్డు

జైపూర్ వేదికగా జరిగిన రాజస్థాన్ రాయల్స్ - ముంబై ఇండియన్స్ మ్యాచ్‌లో సూపర్ స్ట్రయికర్ అవార్డును ఇద్దరు ఆటగాళ్లు సొంతం చేసుకున్నారు. ముంబై ఇండియన్స్ కెప్టెన్ హార్దిక్ పాండ్యాతో పాటు సూర్యకుమార్ యాదవ్‌కి ఈ అవార్డు దక్కింది. వీరిద్దరూ ఒకేలా స్ట్రయిక్ రేట్ మెయింటేన్ చేశాడు. ఈ మ్యాచ్‌లో హార్దిక్ 23 బంతుల్లో ఆరు ఫోర్లు, ఒక సిక్సర్‌తో 48 పరుగులు చేయగా, సూర్యకుమార్ యాదవ్ కూడా 23 బంతుల్లో నాలుగు ఫోర్లు, మూడు సిక్సర్లతో 48 పరుగులు చేశాడు.

ఐపీఎల్ 2025లో భాగంగా రాజస్థాన్ రాయల్స్ - ముంబై ఇండియన్స్ మ్యాచ్‌లో హార్దిక్, సూర్య ఆడిన తీరు ఐపీఎల్ ఫ్యాన్స్‌ను ఆకట్టుకుంది. ఈ మ్యాచ్‌లో వీళ్లిద్దరూ కలిసి 94 పరుగుల భాగస్వామ్యం నెలకొల్పారు. అయితే ఈ మ్యాచ్‌లో వీరిద్దరూ ఒకేలా స్కోర్ చేయడం విశేషం.

జైపూర్ వేదికగా జరిగిన ఐపీఎల్ 2025 50వ మ్యాచ్‌లో ముంబై ఇండియన్స్ ఘన విజయం సాధించింది. ఈ మ్యాచ్‌లో టాస్ గెలిచిన రాజస్థాన్ జట్టు ముంబైని బ్యాటింగ్‌కి ఆహ్వానించగా.. 20 ఓవర్లలో కేవలం రెండు వికెట్లు కోల్పోయి 217 పరుగులు చేసింది. ముంబై ఇండియన్స్ ఇచ్చిన భారీ టార్గెట్‌లో విఫలమైన రాజస్థాన్ రాయల్స్ బ్యాటర్లు కేవలం 117 పరుగులకే ఆలౌట్ అయ్యారు. దాంతో ముంబై ఇండియన్స్ వంద పరుగులు తేడాతో గ్రాండ్ విక్టరీ అందుకుంది. ముంబై ఇండియన్స్ బౌలర్లు బుమ్రా, బౌల్ట్, దీపక్ చాహర్, కరణ్ శర్మ అందరూ ఫామ్‌లోకి వచ్చారు. కరణ్ శర్మ, బౌల్ట్ మూడు వికెట్లు తీసుకోగా.. బుమ్రా రెండు వికెట్లు పడగొట్టాడు.

ఈ మ్యాచ్‌లో సూర్యకుమార్ యాదవ్, హార్దిక్ పాండ్యా బ్యాట్‌తో అదరగొట్టారు. సూర్యకుమార్ యాదవ్ 12వ ఓవర్‌లో బ్యాటింగ్‌కి రాగా.. హార్దిక్ పాండ్యా 13వ ఓవర్‌లో క్రీజులో అడుగుపెట్టాడు. వీళ్లిద్దరూ పోటాపోటీగా ఆడుతూ జట్టు స్కోర్‌ను పరుగులు పెట్టించారు. సూర్యకుమార్ యాదవ్ 23 బంతుల్లో నాలుగు ఫోర్లు, మూడు సిక్సర్లతో 48 పరుగులు చేయగా, హార్దిక్ పాండ్యా 23 బంతుల్లో ఆరు ఫోర్లు, ఒక సిక్సర్‌తో 48 పరుగులు బాదాడు.

సూర్యకుమార్ యాదవ్, హార్దిక్ పాండ్యా ఇద్దరూ కూడా 23 బంతుల్లోనే 48 పరుగులు చేయడం విశేషం. వీరిద్దరూ 208.7 స్ట్రయిక్ రేట్ మెయింట్‌నే చేశారు. దాంతో మ్యాచ్ అనంతరం సూపర్ స్ట్రయికర్ అవార్డును ఇద్దరికి కలిపి అందజేశారు. అవార్డు అందుకున్న అనంతరం ఇద్దరూ చాలా ఫన్నీగా పోజులిస్తూ ఫొటోలు దిగారు. ఈ విజయంతో ముంబై ఇండియన్స్ వరుసగా ఆరు విజయాలు సొంతం చేసుకుని పాయింట్స్ టేబుల్‌లో టాప్‌లో నిలిచింది.