బాడీలోని చెడు కొలెస్ట్రాల్‌ని మూలాలతో సహా కరిగించే టమాట చట్నీ

మన బాడీలో రెండు రకాల కొలెస్ట్రాల్స్ ఉంటాయి. ఒకటి మంచి కొలెస్ట్రాల్, రెండోవది చెడు కొలెస్ట్రాల్. మంచి కొలెస్ట్రాల్ గుండె ఆరోగ్యానికి, కణాల అభివృద్ధికి మంచిది. కానీ, చెడు కొలెస్ట్రాల్ అలా కాదు. ఇది మన గుండె రక్తనాళాలను దెబ్బతీసి, గుండె సమస్యలకి కారణమవుతుంది. కాబట్టి, బాడీలో చెడు కొలెస్ట్రాల్ పెరగకుండా చూసుకోవాలి. దీనికోసం హెల్దీ ఫుడ్స్ తీసుకుంటూ మంచి డైట్ ఫాలో అవ్వాలి.

చెడు కొలెస్ట్రాల్ పెరిగితే

హై కొలెస్ట్రాల్, షుగర్‌లానే కొలెస్ట్రాల్ కూడా మనిషికి శత్రువు. ఈ వ్యాధి కారణంగా చాలా మంది హెల్త్ ప్రాబ్లమ్స్‌ని ఫేస్ చేస్తున్నారు. దీంతో గుండె సమస్యలు కూడా రోజురోజుకి పెరుగుతున్నాయి.

ఇంకా షాకింగ్ విషయమేంటంటే, దేశంలో 40 శాతం మంది కొలెస్ట్రాల్‌తో బాధపడుతున్నారని ఆరోగ్య నిపుణులు చెబుతున్నారు. కానీ, దురదృష్టవశాత్తు, వారికి ఈ సమస్య ఉందని వారికే తెలియదు. ఇది సైలెంట్ కిల్లర్ అని చెప్పొచ్చు.

కాబట్టి, ఈ వ్యాధికి దూరంగా ఉండాలంటే, ఆహారం విషయంలో జాగ్రత్తగా ఉండాలి. మంచి హెల్దీ ఫుడ్ తీసుకోవాలి. అలాంటి ఓ చట్నీ గురించి తెలుసుకోండి. ఈ చట్నీ తింటే బాడీలో పెరిగిన చెడు కొలెస్ట్రాల్ తగ్గడమే కాకుండా గుండె ఆరోగ్యాన్ని కాపాడుకోవడానికి కూడా హెల్ప్ అవుతుంది.

కావాల్సిన పదార్థాలు

బాగా పండిన టమాటలు

రెండు వెల్లుల్లి రెబ్బలు

1 పచ్చిమిర్చి తరుగు

కొత్తిమీర తరుగు టీ స్పూన్

పుదీనా తరుగు టీ స్పూన్

ఉప్పు రుచికి సరిపడా

చట్నీ ఎలా తయారుచేయాలి

ముందుగా టమాటలు, పచ్చిమిర్చి, కొత్తిమీర, పుదీనా ఆకుల్ని నీటిలో బాగా కడగాలి. తర్వాత పదార్థాలన్నింటిని చిన్నగా కట్ చేసి బెల్ండర్‌లో వేసి వెల్లుల్లి రెబ్బలు వేసి అవసరమనుకుంటే కొద్దిగా నీరు పోసి పేస్టులా చేయలి. దీనికి సరిపడా ఉప్పు కలపండి. అంతే.. దీనిని భోజనంతో కలిపి తింటే చెడు కొలెస్ట్రాల్ చాలా వరకూ తగ్గుతుంది.

టమాటలతో లాభాలు

టమాటల్లో లైకోపీన్ అనే పదార్థం ఉంటుంది. ఇది గుండెలోని రక్తనాళాలు మూసుకుపోకుండా నిరోధిస్తుంది. దీంతో గుండె సమస్యలు, స్ట్రోక్స్ రాకుండా ఉంటాయి.

శరీరంలో హై కొలెస్ట్రాల్‌ని తగ్గించడంలో కీ రోల్ పోషిస్తుంది. దీనిని తినడం వల్ల మూసుకుపోయిన ధమనుల్లో రక్త ప్రసరణ మెరుగ్గా మారుతుంది.

వెల్లుల్లి

వెల్లుల్లిలో అల్లిసిన్ ఉంటుంది. ఇది చెడు కొలెస్ట్రాల్‌ని కరిగిస్తుంది. అంతేకాకుండా మంచి కొలెస్ట్రాల్‌ పెరిగేలా చేస్తుంది. వెల్లుల్లి తీసుకుంటే రక్తం గడ్డకట్టే ప్రమాదం తగ్గుతుంది. దీని వల్ల రక్తనాళాల్లో రక్తప్రసరణ సరిగా ఉంటుంది. దీంతో గుండె ఆరోగ్యం మెరుగ్గా మారుతుంది.

కొత్తిమీర, పుదీనా

కొత్తిమీర, పుదీనాలో ఫైబర్, యాంటీ ఆక్సిడెంట్స్ పుష్కలంగా ఉంటాయి. ఇవి జీర్ణక్రియని మెరుగ్గా చేసి చెడు కొలెస్ట్రాల్‌ని తగ్గిస్తుంది. రెగ్యులర్‌గా తింటే చాలా లాభాలు ఉంటాయి.