డ్రగ్స్‌తో అడ్డంగా దొరికిపోయిన ఫ్రాన్స్ దేశాధ్యక్షుడు

మాదక ద్రవ్యాల వాడకం వల్ల మనుషుల జీవితాలు ఏ స్థాయిలో నాశనం అవుతాయో అందరికీ తెలిసిందే. ఒక్కసారి వీటికి అలవాటు పడితే దాన్నుంచి బయట పడడం చాలా కష్టం. అందుకే ప్రభుత్వాలు కూడా పిల్లలు, యువకులు చేతికి డ్రగ్స్ అందకుండా ఉండాలని పెద్ద ఎత్తున చర్యలు తీసుకుంటూ ఉంటాయి. పూర్తిస్థాయిలో వీటిపై నిషేధాలు విధిస్తూ.. దేశాన్ని, దేశ ప్రజలను కాపాడుకోవడానికి తీవ్రంగా కృషి చేస్తుంటాయి. ప్రస్తుతం అనేక దేశాలు ఇదే పద్ధతిని ఫాలో అవుతుండగా.. ఫ్రాన్స్ దేశాధ్యక్షుడు మాత్రం డ్రగ్స్‌తో అడ్డంగా పట్టుబడ్డారు.

ముఖ్యంగా ఓ ముగ్గురు అధికారులతో కలిసి ఆయన మాట్లాడుతుండగా.. ఆ టేబుల్‌పై కొకైన్ ప్యాకెట్లు కనిపించాయి. అప్పుడే అక్కడకు మీడియా ప్రతినిధులు వెళ్లగా.. వారికి అవి కనిపించకుండా ఉండాలని చేతిలోకి తీసుకుని దాచేశారు. ఆపై దాన్ని మరో చేతిలోకి మార్చారు. కానీ ఇదంతా వీడియోలో రికార్డు కావడం, బయటకు రావడంతో.. ఈ వార్త నెట్టింట వైరల్ అవుతోంది. నేరుగా ఫ్రాన్స్ దేశాధ్యక్షుడు డ్రగ్స్ సేవిస్తున్నారంటూ ప్రచారం సాగుతోంది. అయితే తాజాగా దీనిపై ఆ దేశ సర్కారు స్పందించింది. అసలేం జరిగిందో కూడా వివరించింది.

ఫ్రాన్స్ దేశాధ్యక్షుడు ఇమ్మాన్యుయేల్ మాక్రాన్ ప్రస్తుతం ఉక్రెయిన్ పర్యటనలో ఉన్నారు. అయితే అక్కడే పోలాండ్ నుంచి ఉక్రెయిన్ వరకు ఆయన రైల్లో ప్రయాణించారు. ఈక్రమంలోనే యూకే ప్రధాని కైర్ స్టామర్, కౌన్సిలర్ ఆఫ్ జనరల్ ఫ్రెడ్రిచ్ మెర్జ్‌తో సమావేశం నిర్వహించారు. అప్పుడే అక్కడకు మీడియా ప్రతినిధులు వెళ్లారు. ముగ్గురు అధికారులు మాట్లాడుకుంటుండగా వీడియోలు, ఫొటోలు తీశారు. అయితే అదే సమయంలో ఇమ్మాన్యుయేల్ మాక్రాన్ టేబుల్‌పై ఉన్న తెలుపు రంగుదాన్ని చేతిలోకి తీసుకుని దాచేశారు. ఆపై దాన్ని మరో చేతిలోకి మార్చుకుని జేబులో వేసుకున్నారు. ఇదంతా వీడియోలో రికార్డు అయింది.

ప్రస్తుతం ఇందుకు సంబంధించిన వీడియోనే నెట్టింట వైరల్ అవుతుంది. అయితే ఇందులో కనిపిస్తున్న తెలుపు రంగు ప్యాకెట్.. కొకైన్ అని, ఫ్రాన్స్ దేశాధ్యక్షుడు డ్రగ్స్ సేవించారని, మీడియా వాళ్లు రాగానే దాన్ని దాచేశాడంటూ చెబుతూ సదరు వీడియోను షేర్ చేశారు. ఇలా ఓ దేశాధినేతనే డ్రగ్స్ సేవించారనగా ఈ వీడియో కాస్తా నెట్టింట తెగ వైరల్ అయిపోయింది. అయితే దీన్ని గుర్తించిన ఫ్రెంచ్ మీడియా ఔట్‌లెట్ లిబరేషన్.. అసలు విషయాన్ని వెలుగులోకి తీసుకు వచ్చింది. ప్రస్తుతం వైరల్ అవుతున్న వీడియో తప్పు అని.. ఇది అసలైన వీడియో అంటూ మరో వీడియో షేర్ చేసింది.

అందులో తెలుపు రంగులో కనిపిస్తుందని కొకైన్ ప్యాకెట్లు కావు. ఇమ్మాన్యుయేల్ మాక్రాన్ ముక్కు తుడుచుకున్న టిష్యూ పేపర్. అప్పటి వరకు టేబుల్ మీదే ఉండగా.. అతిథుల ముందు బాగోదని దాన్ని దాచేశారు. దీన్ని కాస్తా కొకైన్ ప్యాకెట్లుగా మార్చేసి వీడియోను షేర్ చేసి తప్పుడు వార్తలను ప్రచారం చేశారు. అయితే ఇదంతా అబద్ధమేనని.. ఇలాంటి తప్పుడు వార్తలను ఎవరూ నమ్మకూడదని చెప్పుకొచ్చింది.