మెంతులు, కరివేపాకుతో పొడవైన, ఒత్తైన జుట్టు

జుట్టు రాలడం.. ఎక్కువ మంది ఫేస్ చేసే ప్రాబ్లమ్. జన్యు కారణాలు, పోషకాహారం లోపం, ఒత్తిడి, కేర్ తీసుకోకపోవడం, వాడే నీటి నాణ్యత, కాలుష్యం, సరిలేని లైఫ్‌స్టైల్ కారణంగా జుట్టు రాలుతుంది. ఇందులో ఏ కారణం వల్ల జుట్టు రాలుతుందో కనుక్కోవడం కాస్తా కష్టమే. ఒకవేళ మనం అన్నీ జాగ్రత్తలు తీసుకున్నప్పటికీ కొంతమందికి ఈ సమస్య ఉంటుంది. అలాంటప్పుడు కొన్ని ఇంటి చిట్కాలు సమస్యని తగ్గిస్తాయి. దీనికోసం పెద్ద ఖర్చు కూడా ఉండదు. ఇంట్లోని పదార్థాలతోనే సమస్యని తగ్గించుకోవచ్చు. దీని గురించి ఫిట్‌నెస్ కోచ్ రీతూ సింగ్ కొన్ని టిప్స్‌ని షేర్ చేస్తున్నారు.

డైట్, సరైన లైఫ్‌స్టైల్

డైట్ సరిగ్గా లేకపోవడం వల్లే చాలా హెల్త్ ప్రాబ్లమ్స్ వస్తాయి. అందులో హెయిర్ ఫాల్ కూడా ఒకటి. కాబట్టి, పోషకాహారం తీసుకోవాలి. ప్రోటీన్, కాల్షియం, ఐరన్ ఫుడ్స్ ఎక్కువగా తీసుకోవాలి. ఇవే జుట్టుకి ఆయువుని అందిస్తాయని గుర్తుపెట్టుకోండి. దీంతోపాటు ఒత్తిడిని దూరం చేసుకోవాలి. ఒత్తిడి కారణంగా కూడా జుట్టు చాలా వరకూ రాలిపోతుంది. అందుకే ఒత్తిడిని ఎంత వీలైతే అంత దూరం ఉంచడం మంచిది.

హెయిర్ టానిక్

​మెంతులు జుట్టు కుదుళ్ళని బలంగా చేస్తాయి. జుట్టు రాలడాన్ని తగ్గిస్తాయి. అంతేకాకుండా కొత్త జుట్టు పెరిగేలా చేస్తాయి. దీంతోపాటు మనం హెయిర్ టానిక్ ప్రిపేర్ చేయాలి. దీనికోసం

ఓ గిన్నెలో గ్లాసు నీరు తీసుకోండి. అందులో టీ స్పూన్ మెంతులు, కరివేపాకుల్ని వేసి మరిగించండి. దీనిని చల్లారనివ్వండి. తర్వాత ఈ నీటినంతా స్ప్రే బాటిల్‌లో వేయండి. తర్వాత దీనిని తలపై స్ప్రే చేయండి. తర్వాత బాగా మసాజ్ చేయండి. దీని తర్వాత తలస్నానం చేయాల్సిన అవసరం లేదు. కాబట్టి, మీరు ఎప్పుడైనా వాడొచ్చు. పొడి జుట్టుపైనే వాడాలి. నూనె రాసిన జుట్టుపై స్ప్రే చేస్తే జిడ్డుగా మారుతుందని గుర్తుంచుకోండి.

బెనిఫిట్స్

కరివేపాకు జుట్టుని మృదువుగా చేస్తుంది. స్కాల్ప్ హెల్దీగా మారేలా చేస్తుంది. దీని కారణంగా కొత్త జుట్టు పెరుగుతుంది. అదే విధంగా మెంతుల్లోని గుణాలు జుట్టు కుదుళ్లని బలంగా చేస్తాయి. దీని వల్ల జుట్టు రాలడం తగ్గుతుంది. కొత్త జుట్టు పెరుగుతుంది. కుదుళ్లు బలంగా మారతాయి.

జుట్టు రాలడాన్ని తగ్గించి పొడుగ్గా పెంచే టిప్స్

తడి జుట్టుని దువ్వడం

ఎప్పుడు కూడా తడి జుట్టుని దువ్వొద్దు. ఆ టైమ్‌లో జుట్టు చాలా బలహీనంగా ఉంటుంది. ఈ టైమ్‌లో తలని దువ్వడం వల్ల జుట్టు చాలా వరకూ రాలిపోతుంది. కాబట్టి, ఆరిన తర్వాతే దువ్వాలి. అది కూడా జుట్టుని సహజంగానే ఆరనిస్తే మంచిదని గుర్తుంచుకోండి.

రోజ్ మెరీ ఎసెన్షియల్ ఆయిల్

అదే విధంగా, జుట్టుని పెంచడంలో రోజ్మెరీ ఎసెన్షియల్ ఆయిల్ కూడా బాగా పనిచేస్తుంది. దీనికోసం మీరు వాడే ఏదైనా ఆయిల్‌లో రెండు మూడు చుక్కల ఎసెన్షియల్ ఆయిల్ వేయండి. దీనిని తలకి రాసి బాగా మసాజ్ చేయండి. తర్వాతి రోజు తలస్నానం చేయండి.

బెనిఫిట్స్

రోజ్మెరీని వాడడం వల్ల బ్లడ్ సర్క్యూలేషన్ పెరుగుతుంది. స్కాల్ప్ బ్లడ్ సర్క్యూలేషన్ పెరుగుతుంది. దీని కారణంగా హెయిర్ ఫోలికల్స్ చనిపోకుండా ఉంటాయి. జుట్టు కుదుళ్లు బలంగా మారి ఒత్తుగా పెరుగుతుంది. దీంతోపాటు సరైన లైఫ్‌స్టైల్ మెంటెయిన్ చేయడం, మంచి నిద్ర, మంచి ఆహారం, నీరు ఎక్కువగా తీసుకోవడం మంచిది.