చంద్రబాబు దశాబ్దాల అనుభవానికి పరిపాలన ఏమైంది?
Andhra Pradesh Telugu | Suryaa Desk | Published : Tue, Jun 03, 2025, 02:41 PM
దశాబ్ధాల అనుభవం ఉందని చెప్పుకుంటున్న చంద్రబాబు తన ఏడాది పాలనలో రాష్ట్రానికి ఎలాంటి మంచి చేయలేకపోయారని వైయస్ఆర్సీపీ అధినేత, మాజీ ముఖ్యమంత్రి వైయస్ జగన్ మోహన్ రెడ్డి మండిపడ్డారు. చంద్రబాబు పాలన ఏడాదికి చేరువవుతున్న వేళ.. ఎక్స్ వేదికగా ఆయన ఆసక్తికర వ్యాఖ్య చేశారు. దశాబ్దాల అనుభవానికి ఏమైందని.. ఈ ఏడాది కాలంలోనే అడ్డగోలుగా అప్పులు చేసినా ప్రజలకు ఎలాంటి మంచి చేయలేకపోయారని సోమవారం ఆయన కాగ్, మోస్పి గణాంకాలతో ట్వీట్ చేశారు. రాష్ట్ర ఆర్థిక పరిస్థితిని చంద్రబాబు దిగజార్చటంపై వైయస్ జగన్ ఆగ్రహం వ్యక్తం చేశారు. ‘‘చంద్రబాబు గారూ.. దశాబ్దాల మీ అనుభవానికి ఏమైంది?. రాజకీయానుభవంతో పాటు ముఖ్యమంత్రిగా పని చేసి పాలనను లోతుగా అర్థం చేసుకున్నానని మీరే తరచూ చెబుతుంటారు కదా. కానీ, ఆ అనుభవం ఈ ఏడాదిగా ఏం రాష్ట్రానికి ఏం ఇచ్చింది?. కేవలం ఈ ఏడాది పాలనలో మీరు చేసిన అప్పులు.. ఐదేళ్ల మా హయాంలో చేసిన అప్పుల మొత్తంలో 44 శాతంగా ఉంది. ఒకవైపు వాస్తవం ఇలా ఉంటే.. మరోవైపు ఈ ఏడాది కాలంలో అభివృద్ధి, సంక్షేమం జాడే లేదు. మీ ప్రభుత్వ ఆర్థిక నిర్వహణ సరిగ్గా లేదనే వాస్తవాలను కాగ్, మోస్పి గణాంకాలే చెబుతున్నాయి’’ అంటూ వైయస్ జగన్ తన ఎక్స్ ఖాతాలో పోస్ట్ చేశారు.
|
|