ఐరాస సర్వప్రతినిధి సభ కొత్త అధ్యక్షురాలిగా జర్మనీ మాజీ మంత్రి

ఐక్యరాజ్య సమితి సర్వప్రతినిధి సభకు నూతన అధ్యక్షురాలిగా జర్మనీ విదేశాంగ శాఖ మాజీ మంత్రి అనలీనా బేర్‌బాక్ ఎన్నిక అయ్యారు. రష్యా డిమాండ్ చేసినట్లుగా రహస్య బ్యాలెట్ ద్వారానే సభ్య దేశాలు ఓటింగ్‌లో పాల్గొన్నాయి. అయితే మొత్తం ఇద్దరు అభ్యర్థులు ఈ పదవి కోసం పోటీ చేయగా.. భారీ మెజార్టీతో అనలీనా బేర్‌బాక్ గెలిచారు. ముఖ్యంగా జర్మన్ దౌత్యవేత్త హెల్గా ష్మిడ్ ఘోర పరాజయం పాలయ్యారు. ఈ ఎన్నికకు మెజార్టీ మార్కు 88 ఓట్లు మాత్రమే కాగా.. అనలీనా 167 ఓట్లు సాధించారు. హెల్గా ష్మిడ్‌కు కేవలం 7 ఓట్లు మాత్రమే రావడం గమనార్హం.

ఐక్యరాజ్య సమితి సర్వప్రతినిధి సభ అధ్యక్ష ఎన్నికలను తాజాగా నిర్వహించారు. ప్రాంతాల వారిగీ ప్రతీ ఏటా నిర్వహించే ఈ ఎన్నికలను రహస్య బ్యాలెట్ ద్వారా నిర్వహించాలని రష్యా డిమాండ్ చేసింది. అందుకు సభ్య దేశాలు కూడా అంగీకారం తెలిపాయి. దీంతో ఈ పద్ధతిలోనే ఓటింగ్ నిర్వహించారు. ముఖ్యంగా అధ్యక్ష పదవి కోసం జర్మనీ విదేశాంగ శాఖ మాజీ మంత్రి అనలీనా బేర్‌బాక్, జర్మన్ దౌత్యవేత్త అయిన హెల్గా ష్మిడ్ పోటీలోకి దిగారు. మొత్తంగా 193 దేశాలకు ఇందులో సభ్యత్వం ఉండగా.. ఎన్నికలకు 14 దేశాలు గైర్హాజరు అయ్యాయి. కానీ మిగతా 179 దేశాలు తమకు నచ్చిన అభ్యర్థికి ఓట్లు వేశాయి.

ముఖ్యంగా ఈ ఎన్నికకు మెజార్టీ మార్కు 88 ఓట్లు మాత్రమే కాగా.. అనలీనా బేర్‌బాక్‌కు 167 ఓట్లు వచ్చాయి. ఇలా ఆమె భారీ మెజార్టీతో ఎన్నికల్లో ఘన విజయం సాధించారు. 44 ఏళ్ల వయసులో ఈ పదివిని దక్కించుకున్న ఐదో మహిళగా రికార్డు సాధించారు. కానీ మరో అభ్యర్థిగా పోటీ చేసిన హెల్గా ష్మిడ్‌కు కేవలం 7 ఓట్లు మాత్రమే వచ్చాయి. అయితే ఇప్పుడు ఎన్నికల్లో గెలిచిన అనలీనా బేర్‌బాక్ ఈ ఏడాది సెప్టెంబరులో జరిగే ఐరాస సర్వప్రతినిధి సభ 80వ సమావేశంలో ప్రమాణ స్వీకారం చేయబోతున్నారు. ప్రస్తుతం అధ్యక్షుడిగా ఉన్న ఫిలెమాన్ యాంగ్ నుంచి అనలీనా ఈ బాధ్యతలు స్వీకరించబోతున్నారు.